KAN RAM DOTHLENNAK LE TEINAK. BY. S NGUN KIO - TIMES OF CHIN NEWS

KAN RAM DOTHLENNAK LE TEINAK. BY. S NGUN KIO

KANRAM DOTHLEN NAK LE TEINAK. Ralhrang pawl nih raampi uknaak nawlngaih naak hramhram in anlaak nak hi kumkhat atling ko cang. 2021 Feb nikhat in nihin tiang ah kawlraam pi chung ah kahdoh nak thawng lawng in akhat ko.Mi tampi an thi.Mitampui tlaih an tong.Raampi chung ah ttah aihram naak le mitthil tlak naak hi dongcaat lo in a um peng.Inn le lo kaltak in hmundang ah azaam mi an tam.Inn le lo an khangh dih .

Kan lairam chung hmun zeimaw zat cu inn hmuhding a um ti lo.Hi vialte a chuahpi tu cu ralhrang pawl an si.Mah hna ruang ah kahdoh nak achuak.Tlangcung hriamtlai miphun ralkap hna he an i doh.PDF an hung chuak.PDF le ralhrang an i do.CDF ahung chuak hmun tin ah an i kap. A ruang cu rampi uknaak nawlngaih nak kha kan i cuh cang.Tei kan duh.Tei anduh ve.Kanraam dothlen naak situation zoh tik ah asaang ko.Atu tan dothlen naak ah ralhrang hna kantei hnalo asi ah cun kanluu kan tung kho ti lai lo.Kantei khawh hna lai maw.Adot tete in kanzoh tthan tuah hna lai. Ralhrang dirhmun le colcangh ning .

Ralhrang hna an colcangh nig zoh tik ah an hmuitinh mi dirhmuun anphanh khawh nak ding ah duh sah in rian an ttuan.Hmun tin ah kahdoh nak akalpi na in tei le teilo kha biapi ah aruat tuk lem lo in alang.Ralkap thazaang kha laanghter i mipi thinlung chung ah ttihnak aum khawh nak hnga hi aa ruahchih.Cu ca ah hmuntin ah ralkap thazaang tamdeuh ahman i van lei in kah nak zong atuahpah leng mang.Cu pin ah hmunhma zeimawzaat cu akhangh hna i mi umnak tlak lo in a tuah hna.Hi bantuk atuah mi hi tinh nak nganpi ngaih bu in atuah mi asi in alang.

Mah bantuk in duhsa te in thil si ning kalpi in acaan acu cang ati tik ah tlangcung hriamtlai miphun ralkap hna kha kahdaih nak ser pi hi pakhat nak aatinh mi asi. Pahnih nak ah duhsah te in NUG hi averh hna lai i zeimaw ti in hnatlak pinak le rem nak tuahpi hi asi. Pathum nak ah cun mipi nih anduh emaw duhlo e maw an i tinh mi caan chung ah election hi tuah i tei nak anhmuh nak hnga laam kawl. ( A TAWI NAK IN KA TTIAL MI ASI. ) Rampi uknaak nawlngaihnaak hi hum khawh ding hi an i tim ti hi afiang ngai.

Cu ca ah atu i i kahdoh nak hmunhma hna i ralkap zei mawzat anthah lengmang mi men hnakhi kantei ti awk attha hngalo.Tei zong asi rih lo.NUG hi anrianttuan mi attha ngai .Asi na in azeithil pakhat hmanh an control kho taktak lo.A chim ning tlukin rian anttuan kho lo.Propaganda an siammi atam deuh.Atak in zeihmanh an kalpi kho rih lo.Rampi chung PDF pawlhmanh hmunkhat te ah an zohkhenh kho rih hna lo.Rian cu cat bang lo in an ttuanpeng ko.Apoi nak pakhat cu Ramdang thazaang an i bohchan peng.

PDF & CDF pawl hi nihin nitiang an colcangh ning zoh tik ah anrian an tlinh ngai .Defence froce ansi bantuk te in mipi an kilven khawh ngai.Hmuntin ah ralhrang pawl anduh in colkho tilo ding in an ser khawh hna .Asi na in PDF sihna seh CDF si hna seh demand pakhat tang ah an umlo i mah duh i acolcang mi an tam deuh.Hi nih hin teinak tak tak achuahpi kho lai lo.Cun pakhat ah kanraam dothlen naak le ramkhel kal ning zoh tik ah adongh nak ah peace talk in dongh dawh ngai asi.

Khi caan ahkhin ralhrang hna nih peace talk ah PDF& CDF hna cu asawm hna lai lo.Achan cu miphun aiawh ralkap an si lo.An nih cu armes police bantuk men an sicaah asi.Asawm dingmi hna cu NUG le tlangcung hriamtlai miphun ralkap hna kha an si telai.Cu caah ralkap kan thahmi antam cang ca ah kantei hna lai ti hicu asikho lo.Teinak taktak cu raampi uknak nawlngaih nak kha ralkap kut in lak tthan i mipi kut i aum cang hnu lawng ah teinak timi biafang chimkhawh asi te nga.

Chin miphn nih hriamtlai miphun ralkap kan ngeih mi cu CNF/CNA an si ko.Hmailei Kawl raampi ramkhel kong ah siseh kah daihnak kong ah si seh ralhrang hna nih ton biaruah nak angaih ding mi cu CNF/CNA an si ko.Atu lio caan kar lak hi chin miphun ca ah caanttha ngai asi .Atu lio ah CNF/CNA hi minung zeizat asi cu kan thei lo. Asi nain kan ngaihmi ralkap hna hi kawl ralhrang hna ca ah cun ttihzah ankai tuk lem lo.

Atu lio hriamtlai miphun ralkap hna lak ah thazaang ader bik le minung tlawmbik kan si hi cu el awk atthat ka zumlo.Hi hi ruah ngai ngai herh cang.Rampi uknaak aa thlen khawh naak ca le teinak achuah khawhnak ding i laam kanngaih mi cu pakhat te lawng a um.Cucu Kan miphun ralkap tthawn ter hi asi ko.Atu kan ralkap hna hi ader lei ah 50000 le 100000 kar hrawng tal sihna sek law kanraam chung ah ralhrang pawl duhpoh in an colngam ti lai lo.

AA pawl khi an ralkap 100000 hrawng an si an ralthuam zong atthat tik ah an raamchung ah ralhrang pawl nawlngaih nak aum tuk lem ti lo.Cu bantuk in kan ralkap pawl hi kan tthawn ter ve ahrh.Kan ralkap pawl hi 50000 tal cawm khawh in hriamnam zong tha te in zalhpiak kho hna u sih law cu nih cun kanraam ramkhel kong ah teinak akan pek khawh lai tiah zuumh aum.CDF pawl nih teinak lam ansial cang.

Teinak taktak phanh khawh nak ding ah kan ralkap CNA kan tthawn ter aheh ko cang Cucu tei nak ca i kan laam cu asi in alang. Ramchung ramleng CNF member sinak angei mi vialte kum 50 tang poh CNA ah khawmh dih in aherh mi hriamnaam cu ramchung ramleng um mi pohnih lungkhat te in mawhphourh nak kan lak i CNA antthawn ah cun kantei ko hna lai. Note. Mah ca kattial mi hi keimah hmuhning men asi.Ka ttial ning hi akal ning asi lo deu in ahmu mi le aruat mi nan um ah cun asi ning ding te kha comment in rak ka bawm cio u ti in kannawl hna. Ka ttial mi hi atawinak in kattial i atlam atling lo kho men.Ca reltu nih aherh bau nakha nan lungthin te in rak ka ruahzawmh piak hram ko sawh u ti in kannawl fawn hna. Catialtu S,Ngun Kio

error: Content is protected !!