Ralhrangbu nih an kham caah Czech Republic ram bank pakhat nih a hrenmi tangka US dollar vialte cu Czech cozah nawlpeknak bantukin NUG nih an chuah khawh cang tiah theih a si. Naite ah NUG cozah ṭuanvo ngeitu hna lei Czech ramleng vuancizung upa hna tonbiaruahnak an ngeih hnuah atu bantukin NUG nih an tangka an chuah khawhnak hi a si.

NUG cozah nih dohthlennak caah tiin ramleng ah bawh an halmi le tangka catlap (bond) an zuarmi he pehtlai in Czech le Singapore hrambunh bank cheukhat ah bank account an on. Bawmh an halmi le tangka catlakp 9bond) an zuarnak in an hmuhmi tangka hna cu dohthlennak ah hman dingmi an si caah bank nih tangka chuah piak lo dingin ralhrangbu nih an kham caah bank hna zong nih NUG tangka cu an hren piak hna.

NUG hruaitu hna nih cun bank ṭuanvo ngeitu hna sinah thilsining an chim lengmang ko nain an chuah piak duh hlei hna lo. Cucaah Czech ramleng vuancizung upa hna he tonnak an ngeih hnuah thilsining an chimh hna i cuticun NUG tangka cu chuahnak nawl an pek hna hi a si. NUG hruaitu pakhat nih cun “Tangka kan chuah khawh cang caah a herhnak zawn ah bawmhnak zong kan pek khawh pah cang lai” tiah a chim. Credit: The Chin Post.

CNF/A Sakhaan Camp Victoria ah Chin Miphun Ni an Tuah. Nizaan February 20, a kum 74nk Chin Miphun Ni cu CNF/A Headquarters Camp Victoria zong ah tlamtling in an tuah, tiah thawng kan theih. Biachimnak, Hlasaknak le Laipaih zuamnak zong an tuah hna. Guys from Chin hlasatu Benjamin Sum, David Lai le Thawng Bawi zong nih an telpi hna. TCJ