ZUAL KO. AN PAFA IN NIKHAT AH AN NUNNAK A LIAM EE - TIMES OF CHIN NEWS

ZUAL KO. AN PAFA IN NIKHAT AH AN NUNNAK A LIAM EE

RIP. An pafa in nikhat chungah an nunnak a liam ee. January ni 25 ah khan Churachandpur, Thingkaiphai ah a ummi Pu Lal Ro Par kum 75 cu stroke ruangah a nunnak a liam. Siizung ah zohkhanh a si lio ah hin a fapa Lal Ram Zau kum 34 zong Haemoglobin count a tlawm ruangah sizung ah zohkhanh a si.

A pa thihnak kong a theih ah hin lau phun in a um i ataksa vialte a khong dih. Asinain a vun ttha tthan colh. Sihmanhsehlaw a pa ruak inn an phak hnu ah a pa ruak a hmuh tthan ruangah a fapa cu a taksa vialte a khong dih tthan. Cutin cun a fapa cu a nunnak a liam thai tiah an langhter. Taantaak mi chungkhar Bawipa nih in umpi ko hna seh. Credit: MSR

May be an image of 1 person

Thawngpang dang. Mandalay ramṭhen, Mogok peng, Pingpyit khua ah a um mi primary sianginn cu ong ding in ralhrang nih an theihter hna i, an on tik zong ah Sianginn a kai lo mi cu ‘nan inn kan khangh lai,’ tiah ralhrang nih hramhram in a kan ti, tiah khua mi pakhat nih a chim. Sianginn kai ding in kum a tling cang mi pohpoh cu sianginn nan kai lai.Nan kai lo ahcun nan inn kan khangh lai. Phunghram 505 chirhchan in tlaih nan si lai, an kan ti,” tiah khua mi pakhat nih a chim. January 21 ah Pingpyit primary sianginn uk(Head-master) Daw Pan Nuh Kyay le cachimtu pawl cu Mogok khua i ralkap bawi le Pingpyit khua ah a um mi ralkal senthum Zaw Naing Thun nih sianginn ong ding in an chimh hna, tiah theih a si.

Sianginn headmaster cu CDM a tuah mi a si i, sianginn na on lo ahcun kan in tlaih lai an ti, tiah khua mi pakhat nih a chim. January 22 ah Pingpyit khua cu ‘innkhat minung pakhat meeting kai ding, a kai lo mi cu dantat nan si lai i nan inn kan in kharpiak hna lai,’ tiah ralhrang nih hramhram in an ti hna. Meeting tuah lio ah khualuh le khuachuah lam cu an khar i, sianginn kainak ding ca ah committee an dirh. khuabawi zong a thar in ralhrang nih an thim, tiah theih a si. Sianginn headmaster zong thlahlawh hlam ding in an chimh pinah a Identity Card zong an laakpiak tiah theih a si.

Ralhrang nih hramhram in January 24 ah Pingpyit khua primary sianginn cu hun a si i, sianginn aa ap mi minung 120 hrawng an si. Cu chung in minung 30 hrawng lawng sianginn an kai, tiah khua mi pakhat nih a chim. Pingpyit khua cu Mogok in meng 8 aa hlatnak ah a um mi khua a si. Mogok khua chung ah a um mi siangsangrun pali cu on a si cang i siangngakchia dihlak uniform hruk lo in an kai, tiah theih a si. Credit: The Chin Post

error: Content is protected !!