TUZING FALAM PENG AH AN I KAP, RALHRANG PALI AN NUNNAK LIAM - TIMES OF CHIN NEWS

TUZING FALAM PENG AH AN I KAP, RALHRANG PALI AN NUNNAK LIAM

Ralhrang nih Falam peng Parte khuami tar 7 an tlaih hna. Chin ramkulh Falam peng Falam-Kalay mawṭaw lamkam ah a ummi Parte khuami tar 7 hna cu Jan 17, nizan ah ralhrang nih an tlaih hna tiah theih a si. Parte khua le an pawngkam Lumbang khuami hna cu ralhrang ṭih in an zam dih hna i a zam kho ve lomi tar lawng an taang. Jan 18, tuzing 8:30am hrawngin Falam peng Tuiphei khua pawngah ralhrang le CNDF an i kap ṭhan i ralhrang 4 an thi tiah CNDF sin thawng kan theih. Credit: The Chin Post.

No description available.

Tuzing thawngpang dang. Ralhrang kawlralkap hna nih hriamnam ngan ttihnung hmangin tuzing ah Chinram lei ah an kah thlah tthan. Hi konghe pehtlaiin khuami pakhat nih a chimmi cu Tuzing ah Kalaymyo sianghleiruun in ralhrang kawlralkap hna nih hriamnam ngan an kah. Minute 35 chungah voi 5 bak an kah. A puah thawng hi Tahan sang chung tiangin a tlirh khawh tiah a chim.

Tuzing ah ralhrang kawlralkap lainawng hna nih Kalaymyo University in hriamnam ngan an kah thlah mi hi kan mah Chinram lei ah a si. Sihmanhsehlaw ralhrang kawlralkap hna nih an kah thlahmi hriamnam ngan hi Chinram chung khoika hmun le hma ah dah a si timi theih asi rih lo. Nizan zongah ralhrang kawlralkap hna nih Chinram lei hoih in hriamnam ngan an rak kah bal cang.

error: Content is protected !!