TUNI AH CHIN RALKAP NIH TEINAK AN HMUH, LAWMHNAK A NGAN KO - TIMES OF CHIN NEWS

TUNI AH CHIN RALKAP NIH TEINAK AN HMUH, LAWMHNAK A NGAN KO

Good News taktak si. Laitlang ah raltuk dingin a kaimi ralhrang kawlralkap minung pahra an nunnak a liam pin ah hliamhma tamtuk an tuar. Kalaymyo khuapi in Laitlang ah ralhrang kawlralkap hna cu an hawi le bawmh dingin an rak kai i, tuni ah ralhrang kawlralkap hna cu CNA le CDM Siyin siseh Zoland PDF le Zogam Army cun KKG CDF 2 hna i bawm in an tthuat hna.

Tuni i kahnak ah ralhrang kawlralkap hna cu minung pahra an nunnak a liam pin ah minung tampi hliam an tuar tiah Civic Defense Militia nih thawngthanhnak an tuah. Tutan ah ralhrang kawlralkap tampi a thattu CNA, CDM Siyin, PDF Zoland, Zongam Army, CDF KKG-2 hna cu ralhrang kawlralkap nih January ni 14 ah helicopter in an rak kah bal cang hna. Tuni ah Kalay in a rak kaimi ralhrang hna hi motor panga an si i, lampi ah an kah hna tiah theih a si.

May be an image of 1 person and outdoors

Adang Thawngpang dang. Sagaing ramthen Tamu pengkomh chungah ralhrang phu hna nih an chuahmi thil hman ah cun fak piin hmalak nan si lai tiah People Defense Force Tamu battalion 3 nih January 16 ah cathanh an chuah. Mipi ralkap phu hna nih mipi sinah nawlnak an tuah mi cu ralhrang phu thil chuahmi cawk lo ding le hmanlo ding in nawl an chuah i , cu nawl a zullo mi hna cu fak piin hmalak nan si lai” tiah Tamu PDF battalion 3 in rianngeitu pakhat nih a chim.

Ralhrang phu dirkamhnak le bussiness caah chuahmi thilri hna cu Myanmar beer, Dagon beer, Mandalay beer, Andaman Gold beer, Red Ruby kuak le Premium Gold kuak hna cu phurh in a cawtu hmuh nan si ah cun fak piin hmalak nan si lai tiah PDF battalion 3 nih cathanh an chuah. Cun ralhrang phu hna nih Tamu pengkomh chungah private motor, khualtlawng motor hna le, Kee 12 ngei motor ngan hna cu hmang in cawlcanghnak an tuah.

Cucaah khualtlawng mipi hna he palhsual in kahnak a umsual naklo ding caah khualtlawng mipi hna nih khual nan tlawn tik ah motor thlalang thlak in kalding ah an cathanh chungah an langhter chih. Tamu mizapi vengtu ralkap battalion 3 le ralhrang phu kar kahdohnak ah ralhrang phu lei a thi an tam, cun ralhrang hriamthil zong an lakkhawh tiah theih a si.

error: Content is protected !!