TLANGCUNG HRIAMTLAI LE CDF/PDF KA HMUH NING - TIMES OF CHIN NEWS

TLANGCUNG HRIAMTLAI LE CDF/PDF KA HMUH NING

Hitihin PDF, CDF le Tlangcung Hriamtlaiphu ka hmuh ning cu asi. PDF le CDF um hna hlah sehlaw tubantuk in rampumpi huap in ralhrang doh hi a um hnga lo, tlangcung hriamtlaiphu nih kum 70 renglo ralhrang an doh cang nain zei pipa rampumpi huap in an chuahpi kho lo. PDF le CDF um hna hlahsehlaw tubantuk hin tlangcung hriamtlai phu nihhin zei cawlcanghnak hmanh rampumpi huai in an tuah kho lai lo Kum 70 tuanbia ah a um ko al awk tha loin.

Asinain tlangcung hriamtlaiphu nih PDF le CDF hi bawm (back up) hna hlahsehlaw tu dirhmun hi zeitihmanh in an phan kho ve lai lo. Cucaah tu kan dothlennak ahcun CDF, PDF le tlangcung hriamtlaiphu hi an biapit ning ai tluk, hmu khat ah riantuanti ding an si. Hriamtlaiphu hi kum 70 ral a do cangmi kan si le kan sin ahhin i fonh viar lawlaw ko u ti hna sehlaw a thatnak tampi lakah a palhnak tampi a um kho ve, a ruang cu:

Pakhatnak. PDF le CDF hi um hna hlahsehlaw tubantuk in rampumpi ah kahdohnak hi a chuak hrimhrim lai lo, mahtluk in PDF, CDF le mipi nih tlangcung hriamtlaiphu pawl pressure an rak pek hna lio i an i thangh a rak har ning, tu hmanh ah Shan te hna ahcun ai thang kho lomi an um len rih.2. Tulio ah ralhrang nih ai awlawkchon bikmi cu tlangcung hriamtlaiphu nakin PDF le CDF hi an si timi cu al awk a um lo.

Pathumnak. Khuakip, pengkip le miphun kip cio in PDF le CDF mipi an dir cio mi ruang ahhin mipi lungthin an lak khawh i hriamtlaiphu nih an tuah khawh bak lomi minung tamtuk PDF le CDF ah an luhter khawh hna. 4. Tlangcung hriamtlaiphu nih an tuah ngam lomi, dothlatnak leiah an tuah khawh lomi leh khuachung i dohnak ah an phak lomi tampi CDF le PDF nih an tuah khawh mi aum.

Panganak. PDF le CDF an um ruangah rampumpi mipi thinlung ai hninsai khun i teinak zong hi tlangcung hriamtlaiphu he i bawm in an lak te lai. Asinain azungzal ca in PDF le CDF hi dirthai ding cu an si lo pitusit (militia) caah an si, buaibainak tampi lakah raldohnak lei cawngmi an si lo tikah le commitment thatein a ngei lomi an si tikah mipi caah siseh, hriamtlaiphu caah siseh an hnok nak a tam pi ve lai.

Caansaupi an kaltak tikah, thil an ti khawh tuk tikah, kal sual in commitment ngei lomi an si tikah tih Gangster bantuk in an chuak kho ve. Asinain tulio CDF le PDF an dirhmun le hruaitu pawl zoh tikah cu bantuk dirhmun cu an phan lai lo, mipi caah ral a domi kan si timi an goal ai fiang tukmi lawngte an rak si ko.PDF le CDF um hna hlahsehlaw tu bantuk in rampumpi ah hriamtlaiphu nih ral an thawhter kho lai lo, thawhter zong an i timhnak kan hmu lo mipi le PDF nih pressure an rak pek tuk ruangah ai thok nak kha asi ko.

Asinain CDF le PDF hi hriamtlaiphu nih dirkamh in bawm hna hlahsehlaw sau a awk kho ding le tu dirhmun tiang hi an phan kho lai lo. Cucaah tlangcung hriamtlaiphu le CDF le PDF hi tulio kahdohnak ahcun an biapit ning an i tluk bak. PDF le CDF hi tutan ral kan tei hnu in phiat colh ve dingmi an si i tlangcung hriamtlaiphu phu tu hi cu a zungzal in mipi vengtu kan ralkap an si thai lai. Note: Keimah pumpak hmuh ning a tawk fiannak tein ka tialmi asi mu, khat le khat sualphawt le dohnak in tialmi siloin Pumpak hmuh ning asi. Credit: Chelsea Bawi

error: Content is protected !!