RIP. SALAI KHUA TIN THANG NIH RAM CAAH A NUNNAK A PEK EE - TIMES OF CHIN NEWS

RIP. SALAI KHUA TIN THANG NIH RAM CAAH A NUNNAK A PEK EE

A poi tuk e kan pasaltha nih kan ram caah nun nak apek, a mah hi Tikir khua mi a si. Thantlang khua ah a hawi le he duty ahngak mi an si i ralhrng kawl ralkap pawl nih hriamnam ngan he a fa he an kah hna ruang ah hmun him deuh nak ah a va fuh penh nak ah ralhrang kawl ralkap nih an hmanh mi bomb an i pah sual.

Cun a hawi he cun ralhrang hmanh mi bomb an i pah sualcaah salai Khua Tin Thang nih kan ram caah a nun nak a liam hi a si. Salai Khua Tin Thang hi Tikir khua mi Pu Mang Lian le Pi Ni Rem an fapa a si, kum 21 lawng a si rih mi kan pasal tha nih a tu ban tuk ram le miphun caah an nun nak a pek. kan mino tha kan pasal tha nih kan ram caah a nun nak apek tik ah anu le apa a hawi kom le vial te kan ngaih a chia i ka zaang a raam.

Salai Khua Tin Thang upatnak kan i pek.Ralhrang kamh mi bomb an i lamh sual nak ah hin Salai Van Nun Ceu zong hliam hma a pu ve na in a fak tuk cu a si loh theih thawng kan theih. A nunnak a liammi le hliam hma a pu mi atuhi khualei ah an tlun pi cuahmah lio hna asi tiah thawng kan theih.

Thawngpang dang. Mandalay khuapi chungah thil fir, thil chuh hmangin ritsi zuar hmangin a cawlcanghtu Buesawtyi phu cu bomb in kan puah hnawh hna tiah Mandalay Pyauh Kyar phu nih cathanh an chuah hi a si.January 25 zaan caan ah Amarah Purah peng chung Nat Yi Kan khua pawngah a ummi Buesawtyi phu hna cu thil fir, thil chuh an hmang.

Cu caah Mandalay Pyauh Kyar phu YNO Mandalay PDF, Rangers of Mandalay, Mandalay Ranger Force- MRF hna i fonhin bomb in an puah hnawh hna tiah thawng theih a si. Mandalay ah mipi thilri motorcycle an fir, pawngkam minung zong nam tong hmangin an saam/tuk, thilri chuh an hmang, sualnak phunkip tuahtu nawlngeihnak latu SAC ralhrang nih a cawmmi misual phu Nat Yi Kan sangah a ummi hna.

YNO Mandalay PDF, Rangers of Mandalay, Mandalay Rangers Force nih i fonhin bomb in an puah hnawh hna caah misual phu hruaitu telh in tampi an ril tiah Mandalay Ranger Force (ROM) nih an chim. Mandalay khuapi ah SAC ralhrang ralkap he anmah kuttang ummi hna telh in an inn tibantuk hna cu timh ciam tein kahdoh an tong hna.

January 26 zinglei zongah khan Chian Myiah Tase Khuapi Thar sang (5) nakah a ummi ralhrang kuttang ummi nuva hna cu meithal kah an ton caah pakhat a thih pinah a dang pakhat nih fak ngaiin hliam a tuar.Chin ramkulh,falam peng chung ah CNDF nih mine kan kamh mi cu january 19 ni ah ralhrang kawlralkap nih voi 3 bak te an pah ruang ah ralhrang kawl ralkap 7 an thi 10 hrawng hliam an tuar tiah theih a si. Ralhrang kawl ralkap lei i captain pakhat cu a keh hnih in aa tan cun an mah ralhrng kawlralkap lei i an bawi bik a si mi cu a mit acaw theih thawng kan theih.

error: Content is protected !!