RALHRANG KAWLRALKAP CU AN LO KO CANG HIH - TIMES OF CHIN NEWS

RALHRANG KAWLRALKAP CU AN LO KO CANG HIH

Ralhrang an mualpho cang. Ralhrang kawlralkap dirkamh dingin rian a ttuanmi Canada thiamsang William Schaba cu a rian in a chuak diam cang. Ralhrang kawlralkap caah cun thawngpang chia taktak a si. Phunglam lei thiamsang William Schabas hi ICJ biaceihzung i ralhrang kawlralkap case konghe pehtlaiin rian a ttuantu ding mi a si. Asinain ralhrang dirkamh a huam ti lo caah a chuak tiah theih a si.

William Schabas hi Aung San Suu Kyi sawmnak in ICJ Court ah kawlram dirpitu a si. Asinain Aung San Suu Kyi aitel lo tikah ICJ biaceih zung ah kawlram kong dirpi a huam ti lo ti a si. A rian in a chuahnak konghe pehtlaiin William Schabas nih cun kai tel huam ti lo tiah mipi sin ah a langhter. ICJ ah kawlram buainak konghe pehtlaiin kei cu ka huam ti lo, kai din cang. Kai dinhnak kong hi langhter zong ka tim lo tiah a chim.

Aung San Suu Kyi nih hin ICJ biaceih zungah kawlralkap a rak dirpi hna. Asinain atu ahcun ralhrang kawlralkap hna nih thongah an thlak caah Aung San Suu Kyi cu ICJ ah akal kho ding a si ti lo. Sihmanhsehlaw ralhrang kawlralkap hna nih Aung San Suu Kyi ai awh an thim ve i a ralaimi february ni 21 ah khin ICJ ah ralhrang kawlralkap kong an ceih tthan lai tiah theih a si.

No description available.

Thawngpang dang Good News taktak si. Laitlang ah raltuk dingin a kaimi ralhrang kawlralkap minung pahra an nunnak a liam pin ah hliamhma tamtuk an tuar. Kalaymyo khuapi in Laitlang ah ralhrang kawlralkap hna cu an hawi le bawmh dingin an rak kai i, tuni ah ralhrang kawlralkap hna cu CNA le CDM Siyin siseh Zoland PDF le Zogam Army cun KKG CDF 2 hna i bawm in an tthuat hna.Tuni i kahnak ah ralhrang kawlralkap hna cu minung pahra an nunnak a liam pin ah minung tampi hliam an tuar tiah Civic Defense Militia nih thawngthanhnak an tuah. Tutan ah ralhrang kawlralkap tampi a thattu CNA, CDM Siyin, PDF Zoland, Zongam Army, CDF KKG-2 hna cu ralhrang kawlralkap nih January ni 14 ah helicopter in an rak kah bal cang hna. Tuni ah Kalay in a rak kaimi ralhrang hna hi motor panga an si i, lampi ah an kah hna tiah theih a si.

error: Content is protected !!