ICC NIH MIN AUNG HLAING DAN AN TAT KHO LAI MAW? - TIMES OF CHIN NEWS

ICC NIH MIN AUNG HLAING DAN AN TAT KHO LAI MAW?

Kawlram politics ahhin ka hngalhmi a tlawm caah catial ipalh a fawi ngai. Nain kan pale zeimaw nih request an von ka tuah pah lengmang caah ka hngalh tawk ka von thai ve tawn. ICC nih Min Aung Hliang dan an tat kho lai maw? timi le ICJ ah Gambia nih tei tei sehlaw zeitin? timi ah hin, ICC ahhin Myanmar hi chungtel a si lo caah, direct in dantat khawhnak lam a um lo ti a si.

Asinain Bangladesh ram hi 1999 ah Rome Statue minthu a si caah, Bangladesh ram a hnawrsuan tiah chungtel a simi Bangladesh ram hmang in dantat khawhnak lam a um ti a si. Asinain a poi tthanmi cu, misual tiah puhmi kha tlaih/arrest ta lo ahcun sual phawt awk a that lo tikah, Min Aung Hliang hi tlaih/ arrest dingin ICC nih “Arrest warrant” chuah hna hmanh sehlaw a tlai khotu nih External police force hi ICC nih an ngei lo.

Mahhi ICC riantuannak ah a chambau ngai rihmi pakhat a si. ICC le International Police Organization/ Interpol hi pehtlaihnak an ngei. Riantuanti dingin min a thumi an si nain ICC nih arrest Warrant a chuahmi tlaihpiaktu tiang ah va hman dingin pehtlaihnak ngei dawh an si lo. ICC nih direct in dan a tat khawh lo zong ah investigate a tuahmi le sualphawt khawhnak a hmuhmi/evidence vialte hi ICJ ah a share khawh hna caah a thathnemnak tampi a um thiam tiah a ruatmi an um.

Gambia nih ICJ ah Kawlram taza a cuai tikah, Min Aung Hlaing or Cozah ngeitu thongtlak tbk hi a target mi siloin, UN chungtel nih zulh cio dingin an sermi phung, min an thutnenhmi, Genocide convention hi Kawlram/ Myanmar nih thate in zulh in Rohingya pawl an covo thate in pek, kilvenpiak le an umnak hmun ah kirter tthan in zohkhenh hi an hmuitimh a si. Asinain ICJ ah Myanmar a Sungh sual ahcun, ICJ nih Zeitindah order a chuah timi belte cu chim chung awk a thalo.

Asinain ICJ ah tazacuainak ahcun, nawlngeitu pumpak/ individual tlaih in thongthlak tiang dirhmun cu a phan lai lo tiah ruah ciomi a si. A ra dingmi February thla ahhin Gambia he tazacuainak hearing cu a um tthan lai ti a si i, hlan ahcun, State vs State/ ram pakhat sual phawtmi, ram pakhat nih Defense in NLD Cozah nih an rak chim/Defense nain, Coup ruang ah a von ithleng dingmi cu NUG hi Myanmar aiawh in a dir khawh ahcun, Myanmar Cozah/ State cu a kut a thiang nain, UN phung an buarmi, a sualmi cu individual/ Ralkap/ Min Aung Hlaing hi a si tiah an chim a hau te lai tinak a si. Credit: Zasang Cinzah

error: Content is protected !!