HLENNAK THLARAU I TEITER HLAH - TIMES OF CHIN NEWS

HLENNAK THLARAU I TEITER HLAH

HLENNAK THLARAU I TEITER HLAH. Abraham tupa, Isak i fapa Jakob cu anmah chan lioah PATHIAN umpi bikmi a si. Israel Miphun a hringsortu pa a si. A nupi dang sin hrinmi a fa le nih, adawtcemmi a nupi Rebeka hrinpiakmi a fapa dawt khun Josep cu an huat caah an zuar i, an pa Jakob hlennak caah, Josep angki fual cu meheh thi an neh mi cu an hmuhsak i an hlen!

Jokob nih, a thi lomi a fapa cu, Sahrang nih an thleh bauh dih cang ko hi ta, tiah, a ruahnak cu a bet i, amah ruahnak kha kum 20 chung thideng in a țah i a tuar! Nan thei cio bang Josep cu a thi lo kha mu! Jakob nih a fapa Josep a thih tak le thih tak lo kha dothlat selaw, asiloah, BAWIPA hal selaw, a thih lo kha a theih hnga i a tuar a nem deuh hnga mu!

Tu lio chiandeih rawlțaam bang Chin media tangka țaam hna nih lih le biaperh le mi le mi kar bia tuahnak le hur/sex kong hna in an rawl, tangka an kawl cuahmah hna!!! Hi hna hi Chin Miphun caah, khuachia kua an si i kan raal ngan bik pakhat an si tiin nan hmuh hna lo i nan doh ve hna lo ahcun, mitampi an kan hrawhin an kan thah cuahmah cang hi!

Cun, mah Miphun mah unau a rawitu hna nih, ramngiatu pahra hna bang, țhihnak bia a phunphun, ngawl tim loin an chim an țial lengmang fawn hna! Hlennak thlarau hna nih an chimmi hna kha, naa ralrin lo i na zumh sual hna ahcun, Jakob bang, na ruahnak kha na hun bet lai i, “Kan lo cang,” na hun ti lai, na lung a dong lai i, hlennak thlarau ruangah, nangmah ruahnak pi kha ceicikcek in na tuar ve ko lai.

Cucaah, BAWIPA sinah thlarau dik hngalh thiamnak fimnak le zumh fehnak kha hal hna u. BAWIPA a daw i a țih taktak tu hna nih, PATHIAN Bia an rak chimmi hna tu kha i tlaih hna u. BAWIPA nih, Miphun pakhat caah hruaitu țha a thimpiak tawn hna; Cu bantuk hruaitu hna sin ahcun, BAWIPA cu a cawlcaang tawn. Cucaah, hruaitu hna tang i tling te le țha te i i dor hi a herh tuk hring hran. BAWIPA Vel nih in umpi ko hna seh. KHRIH Lamkaltu Tluang Lian (Martar)

error: Content is protected !!