FIANG CIK CEK IN SALAI LUNG THLI TUM CU A PHOMH KO CANG HIH - TIMES OF CHIN NEWS

FIANG CIK CEK IN SALAI LUNG THLI TUM CU A PHOMH KO CANG HIH

Kan Laipa pakhat nih Salai Lung Thli Tum cu fak ngai in a vun tthuat. Atimi cu Salai Lung Thli Tum. Kan CNA ,CDF , PDF, CNDF , CDM Hruaitu le Hruaimi hna lak ah rak I thlak tuk hlah! Sianginn kai le kai lo ah rak I thlak tuk hlah! Na duh paoh in ca na rak ttial lengmang le na duh paoh in Kan Chinmi na hlen lengmang hna hi na lung a ttha ko maw?

Kan Chinmi ah cun phaisa ngei cu na si lo nain mah pawcawmnak ah a zavemi na si. Nangmah pakhat ruangah kan Chinmi cheukhat lung na fahter. Na fimthiamnak hi Chinmi caah rak hmang. Pawcawmnak ah online in lihbia tampi ttialmi na si. Na pawcawmnak a si caah mitam deuh nih an in theih thiam. a tu lio ah hin cun hrawkhrawl rulthluak fimthiamnak kha kan Chinmi sin ah na man lo ding hi a biapi ngai.

Chinmi tam deuh cu mittha kan si, lehrulh a hmanh lo mi kan I dakaw nangmah faknak a chuah rih lo hih. Tlahpawk nih mi a ah cangmi cu fawite in an damkhawh lo kha rak philh hlah. Na tuh cuahmahmi lihchimnak le pakhat le khat karlak i rem lonak na chuahter mi nih an zulh dawi thluahmah ko kha rak philh hlah! Credit: John Tz Thang.

Ca bia dang, Khamh A tlau Lo A Timi Hi An I Ralrin Lo Ah Cun An Tlau Te Lai. An I Ralrin Ko Ah Cun Khamh Tlau Lai An Phan Caah A Si Ko Lai. Phungchimtu 11:11 Kan dihlak in a kan zohkhanhtu tukhal cu Pathian hi a si. Cu, tukhal a simi cu tuu zawn a ruat tukmi a si caah, Na ka dawt ahcun ka tuu kha zohkhanh hna a ti. Johan 21:16.17. Hi bia a chim hi vailam ah thisen in khamnak a ser hnu le a thi hnuah a chimmi bia a si.

Jesuh a nun lio hrimhrim ah khan, Cu caan cu zeitik a si lai kha nan hngalh lo caah RALRING tein um ko u Marka 13:33. Zeiruangah dah hitin a chim? tiah cun, khamhnak ka serpiak mi hna hi a lak ah an canter sual lai ti a ruah caah a si. RALRIN hi minung rian.Vawlei a si rih caah lung dongh le tha baat a um khawh caah forhfial a herh. Isaiah 35:3. A tha a bami cu an kut ṭhawnter hna u law khuk a thermi cu thazang pe hna u. 4 A lung a dongmi cu, Na thinphang hlah lungṭhawngin um ko u ti forh fial hi a rak herh tuk.

Zungzal nunnak tuahpiak kan si cang hnu zong ah zeitin um dah a herh rih? Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam a ti. 1 Tinotr 6:12. Zumtu an si hnu ah. 1 Thesalon 5:22 ah, Thil ṭhalo paohpaoh kha hrial hna u a ti. Hihi kanmah lei rian. Zumtu an si hnu ah. EFESA 4: 29 Bia nan i ruah tikah mi ca ṭhat lonak bia hmang hla u ti a si.

Zeicatiah biachia khaa chim khawh a si caah.Zumhnak an ngeih hnu ah 1 Piter 5: 8 Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko. Nan zumhnak ah khan fekte in dir u tiah cawnpiak an si. Hihi Krifa a simi paoh kanmah lei rian. Credit: F Bawi Khamh.

error: Content is protected !!