CHIN RALKAP MAW AN KAH HNA LAI RALHRANG KAWLRALKAP DAH AN KAH LAI - TIMES OF CHIN NEWS

CHIN RALKAP MAW AN KAH HNA LAI RALHRANG KAWLRALKAP DAH AN KAH LAI

Ruah ding a tam ngaingai, Zomi Revolution Army thanhnak tuah timhmi hi lung a hring ngaingai. Ralhrang kawlralkap maw an doh lai, Kan Chin ralkap hna dah an doh lai timi theih asi lo. Asinain ZRA nih ral kan tho cang lai tiah an thanh. Tulio ah Tedim peng chungah kahdohnak fak ngai a chuak. ZRA nih buainak deihter dingin ral kan tho lai tiah an thanh pin ah raltu ding zong ralkap buu an dirh.

Hi konghe pehtlaiin ZRA nih thanhnak an tuahmi cu tulio cu kan ZOGAM chungah ralkap phunphun ral an tho hna i, kahdohnak a um ruangah raltu ding pawl a dang tin kan dirh v cang. Cu hna cu tulio Zogam hruaitu ZRA ralkap tatyin 5 le ZNV ralkap tatyin pathumnak chungin an si hna i raltuk dingah an kal. Ralkhat bu pakhat cu hmainortu ah kan chiah tiah an thanh.

Tutan ah ZRA nih ral kan tu cang lai an ti nain an tuk dingmi raal an langhter lo. Asinain raltuk dingah an ralkap an thlah cang hna. Tulio ah ralhrang le Chin hriamtlai phu fonh hna cu Tedim peng Hriangzing khuapawng hrawngah biatak tein an i kap hna. Ralhrang lei nih cunglei raltuknak vanlong tiang an hman. ZRA hi PDF Zoland he zong aa rem lomi an si i, CNA he zong an rak i kap cang.

ZRA nih CDF Hualngo le PDF Zoland zong an rak hrawh cang. Hibantuk in kan Chin hriamtlai hna he ZRA hi aa rem lomi an si tikah ZRA nih tukdoh a timhmi hna hi chin mipi kilvengtu hriamtlai phu hna zong a si kho men tiah minung tampi nih an zumh. ZRA hi ralhrang nih nawlngaihnak an lak hnu ah voikhat zong cawlcanghnak atuah lomi an si. Chin hriamtlai tu hna sin zongah aa pehtlai lomi an si. Tutan ah Chin hriamtlai an tukdoh hna asi ahcun buainak ngan a chuak te lai te lai.

error: Content is protected !!