CDF HAKHA BATTALION 2 CHUNGIN MINUNG 19 AN I THAWH CANG EE - TIMES OF CHIN NEWS

CDF HAKHA BATTALION 2 CHUNGIN MINUNG 19 AN I THAWH CANG EE

Thawngthanhnak. Pakhatnak. CDF-Hakha Battalion 2 (Senthang) chungin NUG ralkap caah ralkap 13 le CJDC ralkap fonh caah ralkap 6 cu thlah an si. Pahnihnak. CDF-Zotung kan unau hna va bawmh dingah kan ralkap cheukhat cu an i thawh. (Atanglei hmanthlak ah langhter a si) Pathumnak. Hi kan ralkap dirkamhnak ding caah a lamkip in thazaang chuah kan herh. Thlacamnak in siseh, chawva in siseh, biatak tein kan itel ve a hau.

Ramkip ummi Senthang zong nih kan ralkap hna an him i teinak an hmuh nakhnga thlacamnak in bawm zungzal ve hna u si. Battalion 2 ummi Senthang kan ralkap tha hna dirhkamhnak caah GSRC ah ramkip in thazang a chuahtu nan dihlak cungah lawmhnak chimcawk lo kan ngei. Credit: Global Senthang Relief Committee

May be an image of 5 people, military uniform and outdoors

Thawngpang dang. Ralhrang an mualpho cang. Ralhrang kawlralkap dirkamh dingin rian a ttuanmi Canada thiamsang William Schaba cu a rian in a chuak diam cang. Ralhrang kawlralkap caah cun thawngpang chia taktak a si. Phunglam lei thiamsang William Schabas hi ICJ biaceihzung i ralhrang kawlralkap case konghe pehtlaiin rian a ttuantu ding mi a si. Asinain ralhrang dirkamh a huam ti lo caah a chuak tiah theih a si. William Schabas hi Aung San Suu Kyi sawmnak in ICJ Court ah kawlram dirpitu a si. Asinain Aung San Suu Kyi aitel lo tikah ICJ biaceih zung ah kawlram kong dirpi a huam ti lo ti a si.

A rian in a chuahnak konghe pehtlaiin William Schabas nih cun kai tel huam ti lo tiah mipi sin ah a langhter. ICJ ah kawlram buainak konghe pehtlaiin kei cu ka huam ti lo, kai din cang. Kai dinhnak kong hi langhter zong ka tim lo tiah a chim. Aung San Suu Kyi nih hin ICJ biaceih zungah kawlralkap a rak dirpi hna. Asinain atu ahcun ralhrang kawlralkap hna nih thongah an thlak caah Aung San Suu Kyi cu ICJ ah akal kho ding a si ti lo. Sihmanhsehlaw ralhrang kawlralkap hna nih Aung San Suu Kyi ai awh an thim ve i a ralaimi february ni 21 ah khin ICJ ah ralhrang kawlralkap kong an ceih tthan lai tiah theih a si.

error: Content is protected !!