BREAKING NEWS: TUZING AH RALHRANG NIH CHINRAM AN KAH - TIMES OF CHIN NEWS

BREAKING NEWS: TUZING AH RALHRANG NIH CHINRAM AN KAH

Breaking news. Ralhrang kawlralkap hna nih hriamnam ngan ttihnung hmangin tuzing ah Chinram lei ah an kah thlah tthan. Hi konghe pehtlaiin khuami pakhat nih a chimmi cu Tuzing ah Kalaymyo sianghleiruun in ralhrang kawlralkap hna nih hriamnam ngan an kah. Minute 35 chungah voi 5 bak an kah. A puah thawng hi Tahan sang chung tiangin a tlirh khawh tiah a chim.

Tuzing ah ralhrang kawlralkap lainawng hna nih Kalaymyo University in hriamnam ngan an kah thlah mi hi kan mah Chinram lei ah a si. Sihmanhsehlaw ralhrang kawlralkap hna nih an kah thlahmi hriamnam ngan hi Chinram chung khoika hmun le hma ah dah a si timi theih asi rih lo. Nizan zongah ralhrang kawlralkap hna nih Chinram lei hoih in hriamnam ngan an rak kah bal cang.

Global Senthang Relief Committee Thawngthanhnak. Pakhatnak. CDF-Hakha Battalion 2 (Senthang) chungin NUG ralkap caah ralkap 13 le CJDC ralkap fonh caah ralkap 6 cu thlah an si. Pahnihnak. CDF-Zotung kan unau hna va bawmh dingah kan ralkap cheukhat cu an i thawh. (Atanglei hmanthlak ah langhter a si) Pathumnak. Hi kan ralkap dirkamhnak ding caah a lamkip in thazaang chuah kan herh. Thlacamnak in siseh, chawva in siseh, biatak tein kan itel ve a hau.

Ramkip ummi Senthang zong nih kan ralkap hna an him i teinak an hmuh nakhnga thlacamnak in bawm zungzal ve hna u si. Battalion 2 ummi Senthang kan ralkap tha hna dirhkamhnak caah GSRC ah ramkip in thazang a chuahtu nan dihlak cungah lawmhnak chimcawk lo kan ngei. Credit: Global Senthang Relief Committee

error: Content is protected !!