AUNG SAN SUU KYI AITEL LO AHCUN A SI KHO BAK LO ATI KO HIH - TIMES OF CHIN NEWS

AUNG SAN SUU KYI AITEL LO AHCUN A SI KHO BAK LO ATI KO HIH

Aung San Suu Kyi ai tel lo ahcun kawlram Democracy lamthluan kal a ngah lai lo tiah Philippines ramdang vuanci Teodoro Locsin nih a chim. Hi konghe pehtlaiin Philippines ramdang vuanci Teodor Locsin nih a chimmi cu kawlram democracy lamtlhuan hramthoknak ah Aung San Suu Kyi aitel i, rampi a tthentthek lo pin ah ramchung buainak zeihmanh a um lo.

Cucaah kawlralkap hna nih Aung San Suu Kyi thong an thlak mi hi Philippines nih cun sual kan phawt hna. Kawlram buainak deihter dingah Philippines nih ASEAN buu chungtel tthenkhat hna he a si khawh chungin kan i zuam lai. ASEAN nih hnatlaknak a tuahmi panga tlamtling ding ah aa pehtlaimi buu dihlak hna he ceihhmainak tuah dingin a si khawh chungin kan i zuam lai.

Cu thil ahcun Aung San Suu kyi zong i tel dingin biatak tein kan nawr lai. Culawng siloin atulio ASEAN Chairman nih kawlram buainak deihter dingah tlangcung hriamtlai le kawlralkap karlak ah kahdohnak ngol dingin pehzulh in a umnak dingah an ceihkhan mi zong thilttha taktak a si. Hibantukin an kalpi mi hi buu kip i tel dih hna sehlaw Aung San Suu Kyi zong a tel hrimhrim ding asi tiah a chim.

ASEAN chairman kawlram a tlun lio ah ralhrang kawlralkap hna nih an rak chimh mi cu tlangcung hriamtlai hna hi kum 2022 tiang kahdohnak kan ngol tiah an rak chimh. Asinain ramchung hmunkip ah ralhrang kawlralkap le mipi ralkap karlak ah kahdohnak a zual chinchin. Culawng siloin tlangcung hriamtlai chungin KNU le KIA cun TNLA, CNA le DKBA hna he an i kap lengmang thiamthiam.

error: Content is protected !!