Pathian pakhat sinak ah hin person dang cio a simi Pa le Fapa le Thiang Thlarau cu an um - TIMES OF CHIN NEWS

Pathian pakhat sinak ah hin person dang cio a simi Pa le Fapa le Thiang Thlarau cu an um

Oneness to Trinity { Tawifian tein seh
Pathian pakhat sinak ah hin person dang cio a simi Pa le Fapa le Thiang Thlarau cu an um. Cucaah thumkawmh Pathian ti zongah kan tinak a si i cucu Bible zong nih, “Cu pathum cu pakhat an si,” tiah a langhter ve. ( 1Johan 5 : 7, NKJV ). Cu bantukin Pa nih a duhmi a Fapa Jesuh Khrih a zummi kan si ko ah hin cun Thlarau in baptisma a ing cangmi kan si langhternak ding caah khan amah bia bangin Pa le Fapa le Thiang Thlarau min in baptisma zong kha kan pek awk cu a si. ( Mathai 28 : 20 ).

Zumtu ka si i ti ko tungah cun fialmi rian cu kan tuah hmasa awk hrimhrim a si tiin ka hmuh. Zeicatiah cu lo baptisma dang pakhat hmamh zong hi Thiang Thlarau conak ding caah cun a um loh..

Cucaah cun zumtu ka si ti tung i Pathian Thiang Thlarau bawmhnak thawngin atu ah ka van langhter bangin a tuah lomi hna kan si sual ahcun lamkaltu Paul nih, “Sihmanhsehlaw atu cu zumhnak a phanh cang caah phung tawlrelnak tangah kan um ti lo.

Zeitintiah zumhnak thawngin Khrih ah cun Pathian fale nan si dih cang. Khrih ah baptisma a ingmi hna paoh cu Khrih in nan i thuam cang. Judah e, Grik e, sal e, miluat e, nu e, pa e, ti a um ti lo. Khrih Jesuh ah cun pakhat nan si dih cang.

Khrih ta nan si ahcun Abraham hrinsor, biakamning in rocotu nan si cang,” tiah a timi ah hin kan i tal kho loh ee ti kha kanmah tein i hngal cang hna u sih. ( Galiti 3 : 25 – 29 ). Nan dihlak cungah Pathian nih hngalhfiannak zong in pe ko hna seh..Thank You For All;
Johnly Fambawl

No photo description available.

error: Content is protected !!