Thawngthanhnak: Amah Zong Kan Thah Cang I SAC Dirhpitu Paoh Cu Kan Fim Thluahmah Lai - TIMES OF CHIN NEWS

Thawngthanhnak: Amah Zong Kan Thah Cang I SAC Dirhpitu Paoh Cu Kan Fim Thluahmah Lai

Kyaikhto palek sakhan in palek senkhat Kyaw Soe Moe thah a sinak kong he pehtlaih in Kyaikhto Revolution Force (KRF) nih kanmah kan si i, SAC ralhrang dirhpitu paoh cu kan fim thluahmah rih lai tiah thawngthanhnak an tuah chih. Thil sining cu Mon ramkulh, Kyaikhto myone, Kyaikhto palek sakhan in palek senkhat Kyaw Soe Moe cu,

Nizan October 3 zan, suimilam 6 pm hrawngah Kyaikhto Revolution Force (KRF) phu nih an kah thah i, SAC ralhrang dirpitu dihlak zong a ra laimi ni le caan ah kan thianh dih hna lai tiah Kyaikhto Revolution Force – KRF nih ralrin peknak thawng an thanh tiah Khit Thit Media nih a tarlangh hi a si. Kawl pawl cu anmah pengkomh minung lila zong ah ral cu ral a si bantukin an i thah ko hna.

October 3 zan suimilam 6 pm hrawng ah Mon ramkulh, Kyaikhto myone, Phekkaleik khua ah Kyaikhto palek sakhan in Palek senkhat Kyaw Soe Moe (Phekkaleik khuami) cu motorcycle aa citmi minung 2 nih an rat ra hnawh i meithal in voi 6 an kah caah palek senkhat Kyaw Soe Moe cu a hmun ah a thi colh tiah theih a si.


An thah cangmi Kyaikhto Palek Senkhat Kyaw Soe Moe
Kyaikhto Revolution Force (KRF) nih ‘Kyaikhto khuapi, Pekkaleik sang, Phekkaleik Ohchohzihmu zung hmai ah Palek senkhat Kyaw Soe Moe kah that a si nak cu kanmah kut a si i, KRF nihin SAC ralhrang dirpitu dalan pawl zong pehzulh in kan doh thluahmah hna lai. KRF nih Kyaikhto pengkomh chungah SAC ralhrang dirpitu thawngpang petu dalan kan fimmi 3 an si cang.

SAC ralhrang pawl inn hmuitinh in dohnak kan tuahmi zong a tam cang” tiah phung ning tein thawngthanhnak an tuah tiah Khit Thit Media nih a tarlangh hi a si. A cung hmanthlak kan tar chihmi hi Kyaikhto Revolution Force – KRF nih an kah thahmi Kyaikhto Palek Sakhan in Palek Senkhat Kyaw Soe Moe hmanthlak cu a si. Credit: Ritdawn

error: Content is protected !!