Rungtlang Ralbawi Motor Mongtu le Pumpak Assistant an Zaam - TIMES OF CHIN NEWS

Rungtlang Ralbawi Motor Mongtu le Pumpak Assistant an Zaam

Hakha khua, Rungtlang 266 SAC ralhrang sakhaan ah a ummi Major General Myo Htut Hlaing i pumpak hnuzul/bawmtu (Personal Assistant) le a motor mongtu pa an zaam, tiah CHRO nih a ttial. “A zaammi hna nih an chim ning ah SAC ralkap i an nupi pawl le an chungkhar pawl zong ralhriam pek an si dih cang.

Ralkap chung ah lungput lei rawhralnak le ttumchuknak zong a karh tiin an chim,” tiah CHRO thawngthanhnak ah an langhter. A zaammi ralkap pahnih an zaamnak nicaan le atulio an sining konglam fiang in langhter a um lo. SAC North Western Command Center (အနောက်မြောက်တိုင်းစစ်ဌာနချုပ်) ah Deputy Chief (luzik changtu) a simi Major General Myo Htut Hlaing hi Rungtlang 266 ralhrang sakhaan ah a um lio a si.

[Burmese]
နမခဒုတိုင်းမှူးရဲ့ လက်ထောက်နဲ့ ကားသမား ထွက်ပြေး
————–
အနောက်မြောက်တိုင်းစစ်ဌာနချုပ် ဒုတိုင်းမှူး ဗိုလ်မှူးချုပ် မျိုးထွဠ်လှိုင်ရဲ့ လက်ထောက်နဲ့ ကားသမား ထွက်ပြေးသွားကြောင်း ချင်းလူ့အခွင့်အရေးအဖွဲ့က Twitter တွင် ရေးထားပါတယ်။ ထွက်ပြေးလာသူများရဲ့ အဆိုအရ စစ်ကောင်စီစစ်သား ဇနီးသည်များနှင့် မိသားစု၀င်များကို လက်နက်များတပ်ဆင်ပေးထားကြောင်း ဖော်ပြထားပါတယ်။ ဗိုလ်မှူးချုပ် မျိုးထွဋ်လှိုင်သည် ချင်းပြည်နယ် ဟားခါးတွင် ကြီးကြပ်ကွပ်ကဲလျက်ရှိသည်ဟု စစ်ဘက်သတင်းရင်းမြစ်များအရသိရသည်။
The Chin Journal
October 9, Hakha#Hmanthlak: Major General Myo Htut Hlaing

May be an image of 1 person, standing and indoor

Relchih >>>Jesuh A Ra Zau Lai, Timh Cia Tein Kan Um A Herh
××××××××××××××××××××××××××××××××××××××
Jesuh nih cun, “Ngaihmanh ka ra zau lai. Mi kip an rianttuanning cia ah pek awkah ka laksawng cu ka rak i put lai.( BIATHLAM 22: 12). Asinain, cu ni le cu caan cu zeitik ah dah a si lai, ti kha ahohmanh nih an hngal lo, Fapa zong nih a hngal hlei lo, Pa lawnglawng nih a hngalh( MATHAI 24:36). Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.( (MATHAI 24:44).

Kan Bawipa Jesuh nih ka ra zau lai tiah a kan ti. Ka ra zau lai ti a sullam cu tuan ah ka ra lai, a rau ti lai lo tinak a si. Cun mi kip an rianttuanning cio ah pek awkah ka laksawng cu ka rak i put lai a ti fawn. Mi kip an rianttuanning cio ah pek awkah kan laksawng ka ra i put lai ti a sullam cu Kut lawng le tak lawngin ka ra lai lo, nan ttuan man pek awkah thil ka rak i ken lai tinak a si. Kan Bawipa Jesuh cu a bia bantukin a ra zau ding a si caah timh cia in kan um a herh ngaingai.

Zeitindah timh cia cun kan um lai? Pathian he i hawikomh in kan nung zungzal lai( GENESIS 6:10). A zungzal in kan i lawm lai, a zungzal in thla kan cam lai i Pathian kan thangtthat lai.( 1THESALON 5: 16- 17) Hlawknak le miaknak, thluachuah van luh hmuh le tinco caan lawngah i lawmh le thlacam le Pathian thangtthat le Bible rel khi a si lai lo. Sunghzathlaknak ton caan le ngaihchiatnak ton caan le ttahnak mitthli ton caan zongah Bawipa remruat a si ko tiin Pathian thangtthat, Bibble rel, i lawmh i thlacam zungzal khawh khi timh cia tein um cu a si ko.( DANIEL 6: 10).( LAMKALTU 16: 23-25).

Paul nih,” Zeithil nan tuah paoh, minung caah si loin Bawipa caah ka ttuan ti lungput ngei in, nan lungthin dihlak in ttuan u.Bawipa nih nan tuan man an pek hna lai kha philh hlah u, a mi ca i a chiahmi laksawng kha an pek hna lai. A rian nan ttuanmi Bawi taktak cu Khrih kha a si,” a ti .( KOLOSE 3: 23-24). ( EFESA 6: 7-8) Zumtu cu ttuan man laksawng pek ding kan si caah kan ttuan mi rian paoh Bawipa caah a si ti lungput ngei hna usih law lungthin dihlak in ttuan cio ko hna usih. Kan Bawipa Jesuh bia bantukin ttuan man laksawng pek kan si hrimhrim ko lai. Pek tuan le pek tlai lawng a si ko. Bawipa bia cu a tling zungzal, a kan deuh hrimhrim lai lo.

Amahbelte kan Bawi Jesuh nih, ” cu ni le cu caan cu zeitik ah dah si lai,ti kha ahohmanh nih an hngal lo, Fapa zong nih a hngal lo, Pa lawng nih a hngalh. Cu ruang ah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai,”a kan ti caah timh cia le ralring tein Kan Bawipa Jesuh rat lainak cu hngak zungzal ko hna usih. Timh cia le ralring tein a ummi hna lawng nih ttuan man laksawng cu Kan Bawi Jesuh Khrih sinin hmuh a si te lai. Careltu nan dihlak cungah kaa lawm. By David Thangen

error: Content is protected !!