Ralkap in CDM tuah mi Brig-Gen Myo Htut Hlaing i Cazi Pa Achung Le An Tlaih Hna - TIMES OF CHIN NEWS

Ralkap in CDM tuah mi Brig-Gen Myo Htut Hlaing i Cazi Pa Achung Le An Tlaih Hna

CDM လုပ္သည့္ နမခ ဒုတိုင္းမွူး ဗိုလ္မွူးခ်ဳပ္မ်ိဳးထြဋ္လွိုင္၏ စာေရး မိဘအဖမ္းခံရ
=================
October 9 ah Hakha Rungtlang SAC ralkap in CDM a tuah i a zam mi Brig-Gen Myo Htut Hlaing i cazi a nule a pa cu SAC ralkap nih an tlaih hna tiah CHRO nih Twitter ah a tial. Brig-Gen Myo Htut Hlaing cazi pa hi Sergeant Tin Lian Biak a si i Falam hrambunh LIB 268 in Hakha an thial i cazi a tuan tu a si. Ralkap ah kum 13 rian a tuan cang tu a si. Sergeant i a chungkhar (anu pi le a fale) cu himte in an luat tiah theih a si.

Amah he CDM a tuah i Brig-Gen Driver pa hi Van Hmun Thup ti a si i ralkap ah rank a ngei rih lo. Asinain ralkap ah Communication le a cawng i a thiam ngai mi (Expert) a si i Myo Htut Hlaing telh in Tactical Commander (bu-ha-hmu) motor zong a monghpiak tu a si. CDM a tuah mi SAC ralkap pahnih hi Falam hrambunh LIB 268 ah hmun a khuar mi an si veve hna in aluancia thla 5 in Hakha ah an rak thial hna. Credit: The Chinland Post

Relchih >>>>> A Herh Taktakmi Cu Pakhat Lawng A Si Ko
××××××××××××××××××××××××××××××××××××
Jesuh nih, “A herh taktakmi cu pakhat lawng a si ko, Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.( LUKA 10:42) . Jesuh le a zultu hna cu Martha inn ah an tlung. Martha nih nau pakhat a ngeih i a min Mary a si. Mary cu Bawipa Jesuh ke hram ah a tthu i a cawnpiaknak kha a ngai. Martha bel a rian a tam caah a ing a puang. Marthar le Mary nih buaipi mi pakhat veve an ngei.

Martha nih ing puang ngai in a rian a buaipi lio ah Mary cu Bawipa ke hram te ah tthu in a cawnpiaknak kha lunglawm thanuam ngai in a ngai. Zumtu nang le kei teh Martha dirhmun ah maw kan um, Mary dirhmun ah dah kan um? kan nun i chek tuah hna usih. Mah rian lawng a buaipi mi maw kan si, Bawipa cawnpiaknak a ngai i a zul i a tuahmi dah kan si. ” Cathiang nih minung hi rawl lawngin a nung kho lo, sihmanhsehlaw Pathian nih a chimmi bia paoh cu a nunnak a si lai,’ tiah a ti ( MATHAI 4:4).( DEUTERONOMI 8:3).

( LUKA 4:4). Mitampi cu eidin kong lawngah kan buai i nifatein eidin tirawl caah manh caan ngei loin rian kan ttuan hna. Martha he kan i dannak a um lo. Martha bantukin mah rian lawngah kan buai i Bible rel caan, thlacam caan le Pathian he i hawikomhnak caan kan ngei kho ti lo. A ngai ngai tiah cun Cathiang nih minung nunnak hi rawl lawngin a si lo, Bawipa kaa in a chuakmi thil kip in a nung a ti. Pathian nih cun a kan deuh hrimhrim lai lo.

Cucaah Martha bantukin mah rian lawng a buaipi peng mi si loin Mary bantukin Bawipa bia a ngaimi si hna usih law nifatinte Bible relnak le thlacamnak in Pathian he nun aa pehmi si zungzal ko hna usih. A herh taktakmi cu pakhat lawng a si ko, Mary nih ahmaanmi thil cu aa thim cang i ahohmanh nih an chut lai lo a ti. A herh taktakmi le ahmaanmi thil cu pakhat lawng a si i cucu Bawipa he nun i peh i thei ttha tampi tlai hi a si ko. Keimah ah hin i peh u law kei zong nanmah he kaa peh ve lai.( JOHAN 15: 4). Careltu nan dihlak cungah kaa lawm. By David Thangen

error: Content is protected !!