Ralhrang nih Chin miphun zei an kan rel lo naak a langhnak bik cu Biakinn a kan buarpiak pengmi hi a si - TIMES OF CHIN NEWS

Ralhrang nih Chin miphun zei an kan rel lo naak a langhnak bik cu Biakinn a kan buarpiak pengmi hi a si

Ralhrang nih Chin miphun zei an kan rel lo naak a langhnak bik cu Biakinn a kan buarpiak pengmi hi a si. Tutan zong ah an kah thluahmah hna bu ah Biakinn an fuh i camp hman le duh poah in tuahpiak khawhmi thil bantukin a ka tuahpiak than.

Biaknak cu zeibantuk minung hmanh nih an upat i an tihzah zeicatiah Pathian kan biaknak hmun le inn a si. Vawleicung ah biaknak pinah upat deuhmi le tihzah deuhmi thil dang a um ti lo. Hi ruangah hin miphun dang cu an nunnak tiang pek in an biaknak an runven ngamnak a si.

Biakinn cu ral ram hmanh ah upatnak an ngeih. Ralkap nih ningcang loin an thurhhnomh hmanh ah an bawile nih ngaihthiam halnak an tuahpiak hna. Tuanbia ah tampi hmuh khawh a si. Asinain kan nih Chin miphun cu kan biakinn an buar tikah thinhun awk zong ah kan rel lo.

Pathian sinah pekchanh tharchush than ding zong in kan rel lo.Cucaah Chin miphun nih kan Biaknak le Pathian kan pehtlaihning hi remh deuh cu a hau ko tiah ka ruah. Chin ralkap hna zong nih fak deuh in mipi hma a kan lakpiah a herh. Kan biaknak thurhnomhpiak kan duh lonak hi fak taktak in an langhter a herh lengmang. Credit: Luther Tin Hre

error: Content is protected !!