Min Aung Hlaing/ Ralhrang cu ASEAN nih hlawt an timh cang - TIMES OF CHIN NEWS

Min Aung Hlaing/ Ralhrang cu ASEAN nih hlawt an timh cang

Min Aung Hlaing/ Ralhrang cu ASEAN nih hlawt an timh cang. China πŸ‡¨πŸ‡³ duhsah tein a kaltak ziahmah ve. India nih an hlawt aa theih fawn. UKRAINE πŸ‡ΊπŸ‡¦ ram, hriamnam sernak company, project ah a navy personnel minung 18 a thlahmi hna cu, Ukraine immigration nih an rak kham hna i, Malaysia ah an kir tiah thawng a chuak rih.

Ramleng ah hmunhma a ngei ti lo. Ram chung ah PDF/ CDF tbk people’s defence force nih khawiva seh in an seh cuahmah cang i, a Ralkap lila nih an celh ti lo. Ralkap nupi tiang meithal a tlaihter cang hna. A ralkap tampi nih an zamtak cuahmah fawn.

CHIN ram kai dingin Ralkap Tank nganpipi a rak thlahmi hi a donghnak- Show Off a si kho men. Khat lei in, UN human Rights nih Tanks nganpipi in, a Mipi pawl thah ding aa thawh cang khi, action lak a hau tiah UN ah an ah hnawh.

A dirhmun zoh tikah thih- lai kecheih taktak a si ko cang rua. Chin Ram ah kaiter a timhmi a tanks nganpipi cu, Chin ram cho an kai manh lo hrim tiah CHIN PASAL hna nihcun, an ngamh tuk hna. Chengpalang ah a kal thiam lomi, chungkuh bantuk tanks cu, tlangpar lunghrilh hnawh ah a dir colh ding khi an si ko, tiah an ngamh tuk. Cucaah, an kai ngam taktak te hnga maw! CHIN ram vengtu, nunnak thap in Ralkap a dirh-awnhtu vialte hna, Pathian nih in veng ko hna seh. Credit: Zasang Cinzah

error: Content is protected !!