Good News! European Union (EU) Hluttaw Nih Kawlram Kongah Thawngthanhnak A Tuah Cang - TIMES OF CHIN NEWS

Good News! European Union (EU) Hluttaw Nih Kawlram Kongah Thawngthanhnak A Tuah Cang

EU Hluttaw nih NUG le CRPH cu phungluut in a cohlan cang
==============================
Ram 27 komh in dirh mi European Union (EU) Hluttaw nih October 7 lio an meeting ah Min Aung Hlaing le a hnuzuul pawl an hnon hna i NUG le CRPH cu phunglut in an cohlan cang hna. Hi meeting ah NUG le CRPH cohlan ding le cohlanlo ding kong vote an thlaknak ah cohlannak vote 647, duhlo vote 2 le hnon vote 31 a si i biachahnak 5 zong an tuah.

1. February 1 thok in Min Aung Hlaing nih nawlngeihnak a lak mi cu fakpi in kan dohkalh. 2020 kum thimnak phichuak upat le Palai a chuak mi hna sin ah asiloah mizapi kut ah nawlngeihnak chanh ding. Zalong tein chimrel khawhnak le Biaknak ah zalonnak umter…tbk…

2. Buainak kha dai tein tawlrel khawh a si nakhnga rian thoknak bantuk in President U Win Myint, Daw Aung San Suu Kyi le tlaihkhih mi vialte a rianrannak in thlah ding. 3. Myanmar rammi nih democracy ca, zalonnak le nuhrin covo ca ral an doh mi kan cohlan.

4. Ralkap tuahsernak pawl kan dohkalh. A bik in Biakinn, Bali, Sianginn, sii-inn tibantuk hrawh le Biaknaklei upa tlaihkhih tibantuk cu kan thin a phang ngaingai. 5. CRPH le NUG cu democracy a duh mi Myanmar rammi a ai-awh khotu ah phunglut in kan cohlan. Hi buainak hi dai tein tawlrel khawh nakhnga biapi chia in adikfel mi ramkheel biaruahnak ah CRPH le NUG telh ding in ASEAN siseh, vawlei cung ram dihlak siseh, kan in forhfial hna, tiah an thanh.

Hi an biachahnak le cohlannak hi UN sin ah siseh, ASEAN sin ah siseh, American sin ah siseh, vawlei cung ram hruaitu upa hna sin ah siseh, kan kuat lai tiah an thanh. EU chungtel ram 27 hna cu: Italy, Germany, France, Turkey, the Natherlands, Belgium, Bulgaria, Austria, Libya, Lithuania, Luxembourg, Cyprus, Croatia, Malta, Poland, Denmark, Czech Republic, Estonia, Romania, Slovakia, Slovenia, Finland, Greece, Spain, Sweden, Hungary, Ireland ram hna an si. Credit: The Hakha Times

May be an image of one or more people and people standing

error: Content is protected !!