CDF-Thantlang Nih Saya Vabielo Cu An Tlaih I Nithum Hnu Ah A Thi - TIMES OF CHIN NEWS

CDF-Thantlang Nih Saya Vabielo Cu An Tlaih I Nithum Hnu Ah A Thi

Kan miphun ralkap kut ah Saya Vabielo a thi
===========================
Pyine vawleicazin zung(Hakha) ah duh-usi a tuanmi Saya Vabielo(Sabawngpi khuami, Mara) cu CDM tuah ding ah September 27, 2021 ah amah lawng in khua ah a tlung. Nain, lampi ah CDF-Thangtlang nih an tlaih i nithum hnu September 30 ah a thi cang tiah a chungkhar nih thawng an theih.

‘Bia kan halnak ah a tlu i a thi’ tiah CDF-Thantlang nih an kan ti tiah chungkhar lei nih an chim. A ruak hi CDF-Thantlang nih Zophei-CDF bawmh an hal hna i Zophei-CDF nih Rezua tiang an va thlah, Rezua ah Mara-CDF nih an rak lak ti a si.

Saya Vabielo cu kum 45 a si, fa 5 a ngei i anupi le a fale cu an khua ah an um. Matupi ah caan saupi cozah rian a tuan i Hakha ah an thialnak hi kum khat hrawng lawng a si rih. Dam lonak pipa a ngeimi cu a si lo tiah a chungkhat nih an chim.

A ruak an zoh tikah a lu a kuainak zong a um. Cu a hma cu a tluknak in maw a si asilole a dangdang in dah a si timi cu chungkhar lei in an thei kho lo. CDM a tuah lo tiah an ruah caah maw an tlaih asilole dalan bantuk ah an ruah caah dah an tlaih timi cu CDF-Thantlang lei nih fianternak an tuahmi a um rih lo. Credit: Salai Lungthli Tum

May be an image of 2 people, people standing and text that says 'RIP eicha pasai leidah cha paw bei lo'

error: Content is protected !!