A Miak Le A Sung Lawng A Tuak Tan Mi Business Man Pawl An Bia Cu Zeipipa Ah Ruah Piak Ding An Si Lo - TIMES OF CHIN NEWS

A Miak Le A Sung Lawng A Tuak Tan Mi Business Man Pawl An Bia Cu Zeipipa Ah Ruah Piak Ding An Si Lo

Business man (Sipuaizi tama) pakhat hnih pawl nih dotlennak kong an vun holh ve mi hi zeipipa ah ruah piak ding an si lo. Annih cu a sung maw? A miak ti long an tuak. CNF/A, CDF le CNDF nih ralhrang pawl an kah hna ruangah zeidah a miak ti long an tuak khawh.

Sual vialte a tlinh dihmi, hngakchia le nu zong a zuah lomi, mi chungril tiang chuah in a zuarmi ralhrang pawl a do cuahmah mi le cu bantuk misual ralhrang pawl tei dingin nunnak a thap cuahmahmi pawl sualnak kawl le dohdal ding long a tuak i, mah pumpak business long a tuak mi minung an cabia pawl hi mipi lak ah share chin ding zong a si lo.

A cattail mi tang i Like le Comment petu pawl khi an profile tiang ka zoh dih tawn hna i, zei pipa a rak si ve lomi minung tam deuh an si tawn. Tu lio kan dohmi ral hi, kan tei hrimhrim lai tiah a ho hmanh nih (aa-mah-khan) ngam a si lo. Nain kan tei pek, tei lo pek ah, hi bantuk misual ralhrang hi cu kan doh hrimhrim hna a ho.

Cuti kan doh hna tikah kanmah leiin sunghzatlaknak le harnak tampi kan tuar ve lai timi theih buin a domi an si. Pumpak business (Sipuaizi) long a ruat lomi nihcun thazang kan pek dih ko hna. Tlangrawn khuami nih innkhangh piak dih an tuarnak cungah ruahnak an langhtermi cabia kha nan i theih dih ko lai.

Khua khanghpiak an tawn nain, SAC ralhrang pawl tu sual an phawt hna i, CNF/A, CNDF le CDF dirpinak le thazang peknak kong tu an langhter. Cucaah cun Business man pa bia hna kha, mipi lak ah rak share chin ti hlah uh. A zei khuaingalbu le bu lo hna kha hei share chin ding hrim a si lo.
Salai Biak Tum Lian
2021-10-19

error: Content is protected !!