Sui Thantlang Khua Chung Te Hi Van Zoh Tuah Uh Ngaih A Chia Kho Tuk (Video) - TIMES OF CHIN NEWS

Sui Thantlang Khua Chung Te Hi Van Zoh Tuah Uh Ngaih A Chia Kho Tuk (Video)

Video] Thantlang khuachung lamthluan sining, Sept. 20 ah thlak mi a si. Thantlang, Chin State – September 20. Video a kan petu cung ah kan i lawm!
The Chinland Post

Relchih >>> Sui THANTLANG; Mitthli he kan tian, hmanseh lawmhnak hlasak bu in kan i tong than lai
+++++++
Kan tlaihchanh mi, kan sian lo mi, kan dawt mi le a kan cawmtu kan Sui THANTLANG, nihin cu kan in sian lo bu in mithli he na cawmken khuami hna nih kan in ttian tak ruangmang. Zungzal ttiantak a si hrimhrim lo mu.

Kan um lo kar cu na thlavai a kiang ko lai. Kan tah ai-hram bantuk in nunnak thaw a ngei mi si law cu mithli dor hnawh cawk lo in na tah-ai hram ve len ko lai, na kan thlauh tuk lai mu. Hmanseh, na cawmken mi khuami dihlak nih nangmah philh lonak le zuun ngaihnak cu kan umnak hmun in hla kan sa zungzal lai. Nangmah lei cuanh in thla kan cam lai. Kan in philh hrimhrim lai lo. Zungzal in kan in kaltak hrimhrim lai lo.

Ni nikhat ah kan in hlam than lai i ngaihnak biazaza, lung um-bia zaza kan phaitti than te lai mu. Voikhat na rawh ah voi hra, voi zakhat in kan in remh than lai. Tuanbia thar le tefa caah ro tha le tuanbia dawh kan chiahtak than hna lai.

Kan tuarnak, kan thisen, kan mithli le tem-innak nih ni khatkhat ah a hmun camcim ding mi a theipar a kan zuun ter hrimhrim lai. Na cawmken mi khuami nih mangtha kan in cah chung mu. Kan i tong than hlan tiang Bawipa nih kan kilven hram seh mu — Kan dawt mi Sui THANTLANG! Credit: ChinChin PekThang

Relchih >> “Grassroots Movement for Burma”
Kawlram kongah atu US i kan Chin miphun hawi hna nih cawlcanghnak an tuahmi “Grassroots Movement for Burma” hi thilthatuk asi, rak tanpi cio hna uhlaw, kanmah Miphun chung lawng siloin Kawlrammi le Miphun dang zong rak sawm cio hna uh, tihi ka saduh thah asi. Online in caphit ding zong a tlawm taktakte asi. Thil pipa a nawr kho dingmi cawlcanghnak asi.

Australia i Senate (Hlutdaw) ah Vice President asimi Senator Sue Lines timi nu kan ton i, atu Mipi Cozah “NUG” hi zei ram tal nih cohlannak a ngei maw? tiin a kan hal. A um, “Czech Republic” a um kan ti, a lung tha lo. A zaang a kan fak. Hibantuk ramfa te hi ka chim duhmi asilo, khi ram nih zeihmanh a tuah kholo; US, England le France tibantuk pawl hi kan hal duhmi hna asi, a kan ti.

Ralhrang nih uknak a lakri in thla 4 chungah Federal MPs le Senators kan tonmi hna hi a tam taktak khi asi. Kanmah le State cio in kan lenmi hna le Advocacy kan tuah, Prime Minister le Foreign Minister sinah ca kan tialmi le petition a tam khawh ning hi a mak. Parliament zongah information session an tuah; an kan theihtuk, Kawlram kong hi kanmah tlukin an theih cang ko.

Asinain US le England tipawl nih fakpi in a dirlo tik ah zei taktak hmanh an nawr velo. Atuhicu Fundraising tuah in CDM, PDF/CDF, IDPs relief tipawl bawmhnak tuhi papeek in kan tuah deuh cang.

Cu caah US ummi kan Miphun hawi hi nan biapi taktak. Nan ram Cozah a cawlcangh ahcun Australia, NZL, Canada le ram tam deuh pawl cu chim haulo khi an si. CYONA tibantuk, Chin communities le biaknak pawl hrimhrim nih taanlak in aupi a herhmi asi. Credit: Ram Tinthei
https://www.facebook.com/Grassrootsmovementforburma/
https://www.grassrootsmovementforburma.org/

 

error: Content is protected !!