President hlun Donald Trump nih statement a chuah i, Pu Biden cozah nih Afghanistan pawl vanlawng in an thiar chihnak hna kongah faak ngai in a soisel - TIMES OF CHIN NEWS

President hlun Donald Trump nih statement a chuah i, Pu Biden cozah nih Afghanistan pawl vanlawng in an thiar chihnak hna kongah faak ngai in a soisel

President Donald Trump looks at his phone during a roundtable with governors on the reopening of America's small businesses, in the State Dining Room of the White House, Thursday, June 18, 2020, in Washington. (AP Photo/Alex Brandon)

Tuchun ah President hlun Donald Trump nih statement a chuah i, Pu Biden cozah nih Afghanistan pawl vanlawng in an thiar chihnak hna kongah faak ngai in a soisel hna. Biden cozah nih Afghanistan in minung 26000 renglo an thiarmi hna chungah US citizen cu minung 4000 telawng an i tel. A dang vialte cu Afghanistan lawngte ti awk an si. Afghanistan he a neih deuhnak ram ah an cheek hmasa hna. Mah an thiarmi hna chungah ralhrang cazin i chiahmi pakhat cu England ram Birmingham airport a hong phan i, England cozah cu lungrethei in a tuah hna.

Germany ram Frankfurt Airport zongah ngiatthlai mi cazin ah a telmi terrorist minung 5 an rak kham ve hna caah an lungre a thei ngaingai. Donald Trump nih Taliban cozah nih an ram vialte an control khawh dih cang caah an ram i mifel, mifim le mitha timi cu an chuahter hna lai lo. Kabul Airport in a chuakmi chungah ralhrang tampi an i hrolh lai a fiang tukmi a si. Mah ralhrang pawl cu kan pawngkam ram zeimawzet an phan cang lai, mah vialte hi Biden santlaih lo ruangah a cangmi thil an si. Biden nih kan ram ah terrorist zeizet ko dah a rak chuahpi cang hna lai timi chim khawh a si lo.

August ni 15 ah khan US ralbawi zik, Joint Chiefs of Staff General Mark Milley zong nih Taliban nih Afghanistan cozah an thlak ruangah US ah ralhrang tuknak a chuak kho tiah ralrinnak a chim cang. President Donald Trump chan ah Muslim terrorist ralhrang nih US tuk le kah a um lo tluk a si. ISIS le Al Qaeda ralhrang hnazong nih US ramchungah buainak an chuahpi kho lo. Donald Trump nih a term chungah US mipi cu terrorist kut in him tein a kan chiah khawh. Credit: Salai Lairamthang

error: Content is protected !!