Lawmh Pi Cio Hna Uh Sih, Kan Laipa Nih Atletico Benidorm Club He Bawlung Chuih Ding In Min A Thut Cang - TIMES OF CHIN NEWS

Lawmh Pi Cio Hna Uh Sih, Kan Laipa Nih Atletico Benidorm Club He Bawlung Chuih Ding In Min A Thut Cang

Thluachuah thar kan dong tthan! Indiana khuasa, Ngalang khuami Pu. Thawng Lian Phutin le Meng Meng Phutin hna i an fapa Aba Phutin nih Spain ram ah a ummi Atletico Benidorm club he bawlung chuih ding in min thutnak a kan ngeih piak khawh caah kan lawmhpi tuk hringhran. Aba hi college a rak kai lio zongah college level in bawlung a rak chui mi a si hlei ah college a dih hnu zongah 2020-2021 ah Indiana ah a ummi Fort Wayne FC sin zongah bawlung a rak chuimi asi.

May be an image of standing, stadium and outdoors

Aba, naa zuamnak le na teimak nak cungah upatnak nganpi kan in pek. Hmailei na lamthluan ah Bawipa nih teinak he lam in hruai in hram seh tiah thla kan in cam piak! Huge congrats Aba! We’re so incredibly proud of you!👏 Credit: Zophei Community of America – Youth

May be an image of 1 person, playing a sport, standing and outdoors

May be an image of 8 people, people standing and outdoors

Relchih >>>>> Jesuh A Ra Zau Lai, Timh Cia Tein Kan Um A Herh
××××××××××××××××××××××××××××××××××××××
Jesuh nih cun, “Ngaihmanh ka ra zau lai. Mi kip an rianttuanning cia ah pek awkah ka laksawng cu ka rak i put lai.( BIATHLAM 22: 12). Asinain, cu ni le cu caan cu zeitik ah dah a si lai, ti kha ahohmanh nih an hngal lo, Fapa zong nih a hngal hlei lo, Pa lawnglawng nih a hngalh( MATHAI 24:36). Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai. (MATHAI 24:44).

Kan Bawipa Jesuh nih ka ra zau lai tiah a kan ti. Ka ra zau lai ti a sullam cu tuan ah ka ra lai, a rau ti lai lo tinak a si. Cun mi kip an rianttuanning cio ah pek awkah ka laksawng cu ka rak i put lai a ti fawn. Mi kip an rianttuanning cio ah pek awkah kan laksawng ka ra i put lai ti a sullam cu Kut lawng le tak lawngin ka ra lai lo, nan ttuan man pek awkah thil ka rak i ken lai tinak a si. Kan Bawipa Jesuh cu a bia bantukin a ra zau ding a si caah timh cia in kan um a herh ngaingai.

Zeitindah timh cia cun kan um lai? Pathian he i hawikomh in kan nung zungzal lai (GENESIS 6:10). A zungzal in kan i lawm lai, a zungzal in thla kan cam lai i Pathian kan thangtthat lai.( 1THESALON 5: 16- 17) Hlawknak le miaknak, thluachuah van luh hmuh le tinco caan lawngah i lawmh le thlacam le Pathian thangtthat le Bible rel khi a si lai lo. Sunghzathlaknak ton caan le ngaihchiatnak ton caan le ttahnak mitthli ton caan zongah Bawipa remruat a si ko tiin Pathian thangtthat, Bibble rel, i lawmh i thlacam zungzal khawh khi timh cia tein um cu a si ko.( DANIEL 6: 10).( LAMKALTU 16: 23-25).

Paul nih,” Zeithil nan tuah paoh, minung caah si loin Bawipa caah ka ttuan ti lungput ngei in, nan lungthin dihlak in ttuan u.Bawipa nih nan tuan man an pek hna lai kha philh hlah u, a mi ca i a chiahmi laksawng kha an pek hna lai. A rian nan ttuanmi Bawi taktak cu Khrih kha a si,” a ti .( KOLOSE 3: 23-24). ( EFESA 6: 7-8) Zumtu cu ttuan man laksawng pek ding kan si caah kan ttuan mi rian paoh Bawipa caah a si ti lungput ngei hna usih law lungthin dihlak in ttuan cio ko hna usih. Kan Bawipa Jesuh bia bantukin ttuan man laksawng pek kan si hrimhrim ko lai. Pek tuan le pek tlai lawng a si ko. Bawipa bia cu a tling zungzal, a kan deuh hrimhrim lai lo.

Amahbelte kan Bawi Jesuh nih, ” cu ni le cu caan cu zeitik ah dah si lai,ti kha ahohmanh nih an hngal lo, Fapa zong nih a hngal lo, Pa lawng nih a hngalh. Cu ruang ah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai,”a kan ti caah timh cia le ralring tein Kan Bawipa Jesuh rat lainak cu hngak zungzal ko hna usih. Timh cia le ralring tein a ummi hna lawng nih ttuan man laksawng cu Kan Bawi Jesuh Khrih sinin hmuh a si te lai. Careltu nan dihlak cungah kaa lawm. By David Thangen

error: Content is protected !!