Daw Aung San Suu Kyi A Dam Lo - TIMES OF CHIN NEWS

Daw Aung San Suu Kyi A Dam Lo

Daw Aung San Suu Kyi a damlo ruang ah biaceih zung chuahpi ding nicaan thawn
***************************************************
September 13| Rampi Ruahnakpetu Daw Aung San Suu Kyi a damlo ruang ah nihin September 13 ah biaceih zung chuahpi ding mi cu September 14 ah anicaan an thawn than. Zung khar a si ruang ah thla hnih chung biaceih zung chuahpi khawh ti lo mi Daw Aung San Suu Kyi, President U Win Myint le Nay Pyi Taw Council Chairman Dr. Myo Aung hna cu nihin September 13 ah biaceih zung chuahpi ding an si nain DASSK a damlo ruang ah September 14 ah an thawn tiah theih a si.

Nihin hi President U Win Myint tehte pawl an chekhlat hna i thaizing ah Daw Aung San Suu Kyi sualphun pawl an check lai, tiah BBC nih a tial. Credit: The Hakha Times

May be an image of 2 people

Relchih >>>> A Herh Taktakmi Cu Pakhat Lawng A Si Ko
××××××××××××××××××××××××××××××××××××
Jesuh nih, “A herh taktakmi cu pakhat lawng a si ko, Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.( LUKA 10:42) . Jesuh le a zultu hna cu Martha inn ah an tlung. Martha nih nau pakhat a ngeih i a min Mary a si. Mary cu Bawipa Jesuh ke hram ah a tthu i a cawnpiaknak kha a ngai. Martha bel a rian a tam caah a ing a puang. Marthar le Mary nih buaipi mi pakhat veve an ngei.

Martha nih ing puang ngai in a rian a buaipi lio ah Mary cu Bawipa ke hram te ah tthu in a cawnpiaknak kha lunglawm thanuam ngai in a ngai. Zumtu nang le kei teh Martha dirhmun ah maw kan um, Mary dirhmun ah dah kan um? kan nun i chek tuah hna usih. Mah rian lawng a buaipi mi maw kan si, Bawipa cawnpiaknak a ngai i a zul i a tuahmi dah kan si. ” Cathiang nih minung hi rawl lawngin a nung kho lo, sihmanhsehlaw Pathian nih a chimmi bia paoh cu a nunnak a si lai,’ tiah a ti ( MATHAI 4:4).( DEUTERONOMI 8:3).

( LUKA 4:4). Mitampi cu eidin kong lawngah kan buai i nifatein eidin tirawl caah manh caan ngei loin rian kan ttuan hna. Martha he kan i dannak a um lo. Martha bantukin mah rian lawngah kan buai i Bible rel caan, thlacam caan le Pathian he i hawikomhnak caan kan ngei kho ti lo. A ngai ngai tiah cun Cathiang nih minung nunnak hi rawl lawngin a si lo, Bawipa kaa in a chuakmi thil kip in a nung a ti. Pathian nih cun a kan deuh hrimhrim lai lo.

Cucaah Martha bantukin mah rian lawng a buaipi peng mi si loin Mary bantukin Bawipa bia a ngaimi si hna usih law nifatinte Bible relnak le thlacamnak in Pathian he nun aa pehmi si zungzal ko hna usih. A herh taktakmi cu pakhat lawng a si ko, Mary nih ahmaanmi thil cu aa thim cang i ahohmanh nih an chut lai lo a ti. A herh taktakmi le ahmaanmi thil cu pakhat lawng a si i cucu Bawipa he nun i peh i thei ttha tampi tlai hi a si ko. Keimah ah hin i peh u law kei zong nanmah he kaa peh ve lai.( JOHAN 15: 4). Careltu nan dihlak cungah kaa lawm. By David Thangen

error: Content is protected !!