Afghanistan Taliban Nih Afghanistan Khuapi Kabul An lak Ban Tuk In CDF Pawl Nih Kan Khuapi An Lak Cang Lai - TIMES OF CHIN NEWS

Afghanistan Taliban Nih Afghanistan Khuapi Kabul An lak Ban Tuk In CDF Pawl Nih Kan Khuapi An Lak Cang Lai

Ralhrang pawl nih nawlngeihnak an lak hnu in Min Aung Hlaing kuttang ralhrang pawl cu kakip in doh a si ban tuk in ralhrang a thi mi le a zam mi an tam tuk cang. A tu tang mi pawl hna hi zam a duh ko nain a zam kho lo mi an tam pi rih. Ralhrang pawl hi an dih colh te lai. NUG cozah nih ralhrang pawl cu an tei colh hrim cang hna lai.

An mah kawlrawn chungah a um mi PDF pawl zong biatak tein an colhcangh ve cang caah an lam a bi tak tak cang. A bik in tlangcungah a um mi ralhrang pawl hi khuapi chungin in khua lengah an chuak ngam ti lo. A tu hi Chin ram khuapi le Thantlang chin chin cu kan pasal tha hna CDF le CNF/A pawl nih an kulh dih cang caah zeitik ah dah kan khuapi Hakha le Thantlang zong anlak te lai tiah hngah a si cang. A chungah a um mi pawl zong nih khuachungah an kah hna tiah mawchiat loin kan ti khawh tawk in bawmh le thazang pek tu i zuam hram hna uh sih.

A tu zong khuapi chungah lut in CDF pawl nih ralhrang pawl cu an doh thluamah cang hna. Afghanistan Taliban nih an khuapi Kabul an lak ban tuk in CDF le CNF/A nih kan khuapi Hakha Thantlang zong an lak colh hrim lai tiah zumh a si cang. Mipi lei zong nih mah ti khawhtawk cio in CDF le CNF/A hi bawm hram hna uh sih law dir kamh zungzal hna uh sih. Ralhrang kut chungin luatnak lam kan hmuh hlan tiang lungkhat tein tangti hna uh sih law teinak hmuh colh hram uh sih. Tutan cu Pathian nih teinak a kan pek hrim cang lai.

Relchap >>>> Zeitik Caan Paoh Ah Kuanfang Nih Khen Khawh Peng Mi Dirhmun Ah Kan Dir Caah Mipi Nih Zeitindah Kan I Ralrin Ning A Si Lai?
======================================================================================
1. Zeitik caan, khawika na umkal zong ah hmun himnak, rianrang in van idornak khawhnak kha na ngiatthlai peng lai? Phone zoh pah hna in na kal ahcun thut tiah thil a can tikah na lau khim lai i dornak hmun na kawl kho zokzok lai lo.

2.Chungkhar kip nih Chungkhar tling in idor khawhnak Khur (lungkhur kan ti) icawh i ngeih viar ding. Cu hmun ahcun eidin-zingzan herh vialte ready tein chiah ding. Asi khawh ahcun rawlchumhnak ttha tiangin tuah khawh ahcun a ttha.

3.Meithal thawng theih tik ah bawh colh ding, pawngkam ngiat i a himnak hmun ah zam ding. 4. Zaan ih tikah kuanfang nih a hlanh, a pemh khawhlonak hmun ah ih ding. Thlalang-awng kam tbk, vaam sawsawh, kuan nih a hlanh khawhnak ah ih lo ding. Na inn vaam kha kuan nih a hlan khawh ding a si ahcun, na ihnak kha ttuang ah it law, tai maw khup tiang in lung hna rual, asi loah thlakrawh hna rual law, mah phen ah it. Ka chim duhnak nan fiang ko lai dah.

5.Atu bantuk khuacaan ahcun khuachung huap biaruahnak ngeih hrimhrim ding. Cu biaruahnak ahcun hruaitu siseh, member siseh atu lio thil cang, ralrin hau, thanh khawh peng izuam ding. Mipi zong kha khuachung biaruahnak thawngpang kha tu le tu in zoh ding. Phone battery zong dihter viar lo ding.

6.Meithal thawng le bomb theih tikah mino le thazaang ngei deuh nih mah himnak lawng ruat in direct in zaam lo ding. Innchung ah tar an um maw, hngakchia an um maw? Mizaw an um maw ti zoh ding.

7.Hruaitu hrimhrim nih khuachung mipi an him khawhnak dingah sang kip upa nih mah le pawngkam thil cang tu le tu in thawngthanhnak tuah ding. Hruaitu nih mipi nih an tuah awk le an zulh awk tlamtlingte in suaisam, tuaktaan i mipi nih an fian dih tiang thanh khawh izuam i an zulh khawhnak hnga fakpi rengh ding.

8. Kan miphun hawi CDF, CNA le mipi a kaap cuahmah mi ralhrang pa kha na hmaika ah thah ding remcaang le kap kho ti lo dingin tuahnak ding chance na ngeih ahcun tlolh bak hlah! Tuah ko. Cun nunnak pek zong in tuah ko. A ruang cu minung tampi nunnak na khamh hna a si caah na nunnak pek kha a phu ko.

9.Hruaitu nih a cunglei ka ttialmi pungsan, khuachung mipi an him khawhnak ding lam kha a thiam mi le a tuak khomi he ceihhmai i zulhphung tlamtling tein serpiak khawh ah a ttha. A sikhawh ahcun na hmaika ah hliamhma a tuarmi a um tikah na chanhchuah ding ning cang tiang in tlingte in zulhphung ser i mipi kha zingzan bakin kha zulh phung kha thanh hnawh peng ding.

Note: Kei cu hi bantuk lei ah experience a ngeimi zong ka si lo, tuaktannak lei zong a thawngmi le a thiammi ka si lo. A cung ka ttialmi zong hi a tthabik tinak si lo. Hi nak ttha in ruahnak a ngeimi hna le hruaitu hna nih hi bantuk zulhphung hi tu le tu in kan thanhpiak kho hna sehlaw, meithal kuan le bomb kar khua kan sak tikah zeitindah kan him khawh bik lai ti kha kan kawlpiak deuh hna seh ti ka duh caah ka ttialmi a si. Hi bantuk hi a khuazei paoh nih kanmah le sining hoih in ngeih viar kan herh. Careltu zong hi bantuk ivennak kong ah ruahnak na ngeih mi le na theih hngalhmi a um ahcun comment ah van chuahpi ve law kan chap lai. Credit: Salai Tha C Lian

 

error: Content is protected !!