Taliban Tapung Nih Afghan Cozah An Thlak - TIMES OF CHIN NEWS

Taliban Tapung Nih Afghan Cozah An Thlak

Afghanistan tapung Taliban pawl nih Afghanistan rampi dihlak ti awk an laak dih hnu ah an khualipi Kabul cu an kulh dih hnu ah an luh hnawh i, Afghan President Ashraf Ghani le Vice president Amrullah Saleh cu Tajikistan ram ah a zaam diam cang.

Kabul khua ah rian a tuanmi, US, UK le western ram pawl palai pawl cu Kabul vanlawng tual ah an i erhkhumh hna i chuah an i tim. UK nih ralkap 3000 le US nih ralkap 3000 hna cu Afghanistan ram ah a ummi hna va chanhchuah ding an an thlah cang hna.

President Biden nih US ramkap vialte tu thla dih hlan ah chuah dih dingah order a pek hnu ah atu bantuk in Taliban pawl nih caan tha la in Afghanistan ram vialte an laak i, an khualipi Kabul tiang an luh hnawh hna hi a si.

US le western ram pawl nih Afghanistan ram secutiry cu kum 20 renglo an laak piak cang hna. Afghan ralkap minung 300000 zong tha tein traning an pek hna i, hriamnam thatha zong an cawk piak hna. US nih Afghanistan caah 2 trillion renglo a hman cang. Cucaah atu bantuk in Biden nih US ralkap vialte laak a timhnak a ruang bik cu a si. US ralkap 2312 nih Afghanistan caah an nunnak an pek piak hna.

Taliban pawl hi Terrorist a bawmtu hna lak ah a ngan bik pakhat an si. Muslim biaknak phung in ram uk a duhmi an si. Osama Binladin le Al-Qaeda ralhrang pawl a bawmtuk hna an si. Taliban pawl nih Afahnistan ram an uk ahcun vawleicung muslim ralhrang pawl an i zirh than lai i, US caah tihnung ngaingai an si te lai. Taliban tapung pawl phaisa le hriamnam in a bawmtu bik cu, Russia, Pakistan le Iran an si ti a si. Credit: Salai Lairamthang

May be an image of one or more people, people standing and text that says 'TALIBAN'S STROLL TO KABU Taliban control Government control 15 AUGUST 2021 Contesti Balkh Badakhshan Herat Bamiyan Chaghcharan Kabul April 2021 MEDIEVAL TORTURE Taliban paint 'thieves' & parade them in street as UK troops fly to Kabul THE British Government has said paratroopers will Farah Lashkar Gah Helmand Kandahar BREAKING News US News UNDER SIEGE Afghanistan president Ashraf Ghani 'FLEES country' after Taliban fighters storm Kabul Tariq Tahir News US News WHERE'S JOE? Biden slammed for taking VERY long weekend getaway at Camp David as Taliban jihadis'

error: Content is protected !!