ZUALKO:Biaknak Cawnpiaktu Zau Lum Meithal In A Luu Ah An Kahnak He A Ruak An Hmuh – TIMES OF CHIN NEWS

ZUALKO:Biaknak Cawnpiaktu Zau Lum Meithal In A Luu Ah An Kahnak He A Ruak An Hmuh

ZUALKO:biaknak cawnpiaktu Zau Lum Meithal in a luu ah an kahnak he A Ruak an hmuh.Shan ram Kutkhai No. 5 vengah a um mi biaknak lei cawnpiaktu Zau Lum cu meithal he a lu ah an kahnak hma he a ruak an hmuh.Zau Lum hi June 18 zanlei ah cycle a chuak mi cu inn a rak tin ti lo caah a tlau ah an ruah hnuah Kutkhai, Palong thlanmual pawngah caw conghtu pa nih a ruak a hmuh.

Open Photo

A ruak an va hmzuh ah a kut pahnih cu a hnuleiin khih a si i a lu ah meithal he kahnak hma a pu. A tak pum in vuaknak hma a um. Commando thuam an hruk ter. A cycle zong a pawngah an chiah ko.An hruk ter mi thuam hi amah ta a si lo. Biaknak lei cawnpiaktu pakhat a si i sualnak a tuah zong kan theih ballo. Zeiruangah dah an thah, a ho te nih dah an thah tih kan hlat lio a si tiin a chungle nih an ti.Credit:The Chin Post

Relchap >>> A mak ngai ka timi,
Psy-war, Psychological Warfare Theory, moral attack ti bantuk hna hi a tulio Kawl ralkap thihphaih nak, teinak caah a biapi taktak mi a si ve tiah ka ruah. Cu caah kan minthang deuh hna nih an pumpak cahmai ah ralkap a thihphaih kho tu thil, biafang le thawngpang bantuk propagandas and others psychological operation pawl an tuah, tarlangh ahcun mual a ngei tuk ding a si.

Cucu kan pale cheukhat nih an theih, a caan tete ah an hman pah. A fiang ngai mi cu “Kawl ca in cu bantuk propaganda pawl an tarlangh tikah, “Khah, ralhrang an thihpaihnak tactics a si hih” timi kha a fiang colh.

A mak ngai mi cu “in Psy-war hmuitinh in kan pale nih Kawlca tein an tial mi kha, Cawnnak sang a ngei mi, catial lengmang mi hna nih, Laica in a phunphun in an sermon, an virhkhoih khi asi”, Kan pale hmuitinh an pial ter te lai.

A ngaingai ti ahcun “Kawl minung, Dalaan an tamnak, Kawl pawl an tamnak, Gangaw hrawng hna ah khin, Kawl ralkap pakhat na thah ahcun cu zat tiah, Kawlca bak in tial len hmanh a poi ka ti lo. Cucu psychological operation, Psy-war phunkhat a si ko lo maw?

error: Content is protected !!