Thailand Ramah Tlaihmi DVB Thaawnglatu 3 Cu Ramthumnak An Phan Cang - TIMES OF CHIN NEWS

Thailand Ramah Tlaihmi DVB Thaawnglatu 3 Cu Ramthumnak An Phan Cang

Thailand Ih Kaihmi DVB Thuthanglatu Minung 5 Cu Ram Thumnak An Thleng
Thailand ah daan loin an lut tiah May 9 ah Chiangmai khawpi ih an kaihmi DVB thuthanglatu minung 5 cu him dam zetin ram thumnak an thleng zo tiah DVB in tlangthannak a nei. Kaih an siih ni 20 a rei hnuah an thubuai hrangih thawngthlak dingmi cu an hnuk dawk sal ih, nehhnu ah daan an thlun lo asile thla 7 thawngthlak le Bat 4000 ciar kuan dingin Thailand thuneitu pawlin thutluknak an tuahsak.

Thailand daan vek asile thuțhennak zung ih thutluknak a tuah hnu ni 3 ah mai ram ih tlunter sal an si țheu na’n, hi thuthanglatu minung 5 cu ram thumnak ih ram pakhat cun ramkhel humhimnak a pek. Annih pawl hi ram thumnak ih cohlan an sinak parah DVB in lungawi thu a sim thu, khuitawk ram ih an cohlang timi lawngte atu hrih ahcun DVB in a phuansuah hrih lo thu DVB cun a tarlang.

Thuthanglatu minung 5 cu an thlennak ram thumnak ihsin thuthang hnațuan an sunzom ding tiah an sim. DVB cu SAC in thuthang suahnak a phitsak hnu hmun himnak ihsin thuthang pawl an thlah rero thotho.

Atu Myanmar ram sung thawnginn tinkim ihsin thuthanglatu minung 50 lenglo kaih an siih, DVB thuthanglatu minung 2 khal an tel. Cui DVB thuthanglatu minung 2 cu kan dung naite ah Yazatetgyi pukmah 505 hmangin kum 2 le kum 3 thawngtla dingin thutluknak an rak tuahsak. Credit: May Myo Moon

May be an image of one or more people and people standing

error: Content is protected !!