Min Aung Hlaing Cu Russia Ah A Kal Cang – TIMES OF CHIN NEWS

Min Aung Hlaing Cu Russia Ah A Kal Cang

Ralhrangbu Hruaitu Rusia ah A Kal
Ralhrangbu hruaitu Sr.Gen. Min Aung Hlaing cu June 22 in 24 tiang Rusia ram Moscow ah tuah ding mi vawlei cung huap ralvennak lei tonpumhnak kai dingin tuzing June 20 ah Naypyitaw in a thawh tiah MRTV nih a thanh.

Min Aung Hlaing nih uk nak a lak hnuah a tu hi a voi 2 nak ramleng a tlawnnak a si. Kan hnu April thla i Indonesia ram ah tuahmi ASEAN summit a va kai kha a voi 1 nak a si. June 18 ah khan ralhrangbu cu UN General Assembly nih 2020 november thimnak zah ding le Pi Suu Kyi telin an tlaihmi vialte thlah dingin an ti hlei ah zei ram hmanh nih hriamnam zuar lo ding phih piak a si.

Mah kongah ralhrangbu nih UN biachahnak cu ka pawm lo tiah a thanh. An cathanhnak ah NUG aiawh in bia a chim tu UN palai Kyaw Moe Tun kong zong biahalnak an tuah. Thaizing June 21 ah kum 76 a tling cang mi Daw Aung Suu Kyi cu tazazung ah biaceih than ding a si.

Ralhruaibu hruaitu hi Investment and Foreign Economic Relations duh-vuanci U Tan Aye Kyaw, Naypyitaw Counsil Chairman Dr. Maung Maung Naing, Department lutlai pawl le ralhrangbu bawi zeimawzat an zulh tiah theih a si. Ref; reuters.
Credit: The Chin Post

Relchap >> Kan Ram Caah A Cawlcaang Lengmang Mi Hna Hi Hi Nan Tuah Cang Maw?
Khah keimah lung hnangam ah au ve lengmang ko ning law ka theithiam uh,ca ka van ttial deuh tikah ,Daalan na si lai tiah ka ttial mi theithiam lo in a ti mi zong nan um le nan fian lo caah nan mawh lo,a poi loh.

A tu ka van ttial duh mi cu,a tu kan ram buainak le dothlennak hi,Halkha calawng a si lo caah,Chin miphun kan dihlak ca i dothlennak a si ko caah hin a ho mithmai hmanh i zohlo te in,nan cawlcaang vevek ko,kan cawl vevek ko cang caah,Halkha sin lawngah kan ralkap pawl bawmhnak le hriamnam cawknak hi nan hal cang hna maw?

Thantlang ca zong ah dothlennak a si i,Falam cazong ah dothlennak a si,Matupi ca zongah ,dothlennak a si i,Paletwa ca zongah,dothlennak a si.Cubantuk in,Kanpalet le Mindat ca zongah dothlennak a si bantuk in,Tidim le Tonzang le,Tahan,Kalaymyo um,Chin mi ca zong ah,dothlennak a si ko caah hin kan ralkap ngeih chun pawl an tthawn ahcun kan miphun le ram an ven khawh lai ti kha a fiang ko mi a si .

Cucaah hin,a hohmanh,Falam,Halkha,Thantlang,Tidim,Tonza,h,Matupi,Kanpalet,Paletwa,Mindat,Tahan,Kalay um, Chin mi paohpaoh sinah hi thawngpaang hi an theih kocang nain,a hna ai chehter mi pawl sinah a thar in nan tuah rihlo le nan theihter rih hna lo ahcun,hei thanh hna ulaw a ttha hnga lo maw?

Thawng nan thanh hna hmanh khi,Chinram le miphun a daw taktak mi nih cun a hau ding hmanh khi a si lo.Sihmanhselaw,turkhawnh a hau mi a um ve caah hei turhkhawnh ko hna ulaw,cu i a hna aicheh mi cu,Chin mi nih kan ingeih chun mi kan ralkap CNF pawl hi lotlau/loral hnaseh ti a duh mi an si ko hna lai.A tu hi ttanrual caan a si,a tu hi kan ihngilh caan a si lo,kan itthangh caan le kan ttuantti caan a si. Kai lawm. By Tinduh Thang

May be an image of one or more people, people standing and outdoors

error: Content is protected !!