Kawlram Nih Aa Thim Mi Laam Poah Ah Kan Dirpi Lai Tiah China Nih Thawngthanh - TIMES OF CHIN NEWS

Kawlram Nih Aa Thim Mi Laam Poah Ah Kan Dirpi Lai Tiah China Nih Thawngthanh

Nihin June 8 China ram Chongqing ah tuah mi ASEAN ramdang pehtlaihnak vuanci le China ramdang pehtlaihnak vuanci pawl tonbiaruahnak ah China ramdang pehtlaihnak vuanci Wang Yi nih ralhrangbu ramdang pehtlaihnak vuanci sin ah Kawlram nih a thim mi lam poh ah kan dirpi lai tiah a ti.

Myanmar military may extend emergency rule by up to two years | Myanmar  News | Al Jazeera

Wang Yi nih Kawlram he hawikom kan si nak lungput cu ramchung le ramleng thil sining thawngin a thleng lailo tiin a chim. Nizaan Chongqing ah tuah mi China-ASEAN pehtlaihnak kum 30 tlin ton biaruahnak ah Wang Yi nih ASEAN cungtel hna cu Kawlram kongah namneh lo ding le ASEAN hnatlaknak 5 cu China zong nih kan dirpi mi a si.

Kawlram cu phunghrampi tangah ramkhel chawnhbiaknak tuah i democracy dirhthan dingin thazaang chuah cio dingin a forh hna. Wanah Maung Lwin nih Chongqing ton biaruahnak ah Ralhrangbu nih a thanhmi riantuannak 5 lawng hi lam a um chunmi a si. UEC thar kan fonh mi le Covid-19 i vennak, Sipuazi dirhthan ding pawl hi SAC nih a timh mi a si tiah a chim.Credit:The Chin Post

Relchih: UN nih Karenni ramah ralzaam singkhat leng an phan cang tiah a thanh. Ralhrangbu nih mipi umnak hmun zong hriallo in an kah caah Nunau, hngakchia le tar tiangin ralzaam singkhat leng an phan cang tiah nihin June 8 ah a thanh.

Fur ruahpi le thlihran karah ramtang ah a um mi an si caah an umnak, a himnak le an eidin caah phan a um ngai. Sii, umnak hmun le eidin an herh caah bawmhnak le zohkhenhnak nawl pek dingin an nawl.

error: Content is protected !!