UN nih Ralhrangbu Sinah Hriamnam Zuar lo Ding A Ti Mi Cu ASEAN Nih An Cohlang Lo - TIMES OF CHIN NEWS

UN nih Ralhrangbu Sinah Hriamnam Zuar lo Ding A Ti Mi Cu ASEAN Nih An Cohlang Lo

Feburary 1 ah ralhrangbu nih rampi nawlngeihnak a lak hnuah Mipi 800 leng nih an nunnak an pek cang caah UN nih ralhrangbu sinah hriamnam zuar lo ding nawlnak ca cu ASEAN ram pawl sinah a kuat hna tiah theih a si.

Kawlram kong ceihnak UN General meting biakhiahnak tamtlinnak caah UN nih ASEAN ram hna sin ah ca a kuat mi chungin “ASEAN chungtel ram hna nih Ralhrangbu sin ah hriamnam zuar dinhter ding” timi catlang cu ASEAN nih remh dingin UN sinah ca a leh tiah Naypyitaw in hriamnam lei co-sponsored Liechtenstein nih a ti.

Newyork ah a um mi Liechtenstein UN palai Georg Sparber nih “ASEAN nih kan sinah ca pakhat a kan kuat, an rak tial mi cu hriamnam zuar lo ding kong he a pehtlaihmi catlang cu remh piak dingin an kan ti” tiah a chim.

Kan hnu thla Indonesia ah tuah mi ASEAN ram hruaitu pawl tonnak nih Kawlram kong he pehtlaih in biakhiahnak pa 5 an ngeihmi ah Kawlram kong naihniam ten hlathlai ding Palai chiah dingah hnatlak nak an ngei. Nain a tu thlakhat a rauh hnu tiang ASEAN nih a hmalak nak pakhat hmanh a um rih lo tiah theih a si.

Human Rights Watch Asia ramthen deputy director Phil Robertson nihcun “fiang tein chim ahcun UN general meting nih ralhrangbu sinah hriamnam zuar lo ding a ti mi hi kalpi khawh lo dingah an timh mi a si” tiah a chim.

Ralhrangbu sinah hriamnam zuar lo ding ti mi hi Liechtenstein nih a chuahpi mi a si i, ram 48 dirpinak hi May 18 ah kutthlir in biachahnak tuah ding a si nain ASEAN tellpi nak a hauh caah biachahnak ni an thial mi a si. #benarnews
Credit: The Chin Post

No photo description available.

error: Content is protected !!