Malaysia ram Banting khua ah hlawhfa in khua a sa mi tlangval Lian Lian Tuang nih a liamcia May 2 ahkhan Malaysia ram Banting khua a umnak ah mual a kan liam tak.

Tlangval Lian Lian Tuang hi kum 27 minung asi i Malaysia ram anmah fellowship nih an i bochan tukmi le an i rinhchan tukmi mifel mino pakhat asi.

Tlangval Lian Lian Tuang hi Chin ram Tedim khua mi asi i Tedim lei a chungkhar nih a ruak cu lai lei kua ko uh an ti ruangah anmah fellowship le chiatthat zohkhenhnak phu i bawm in a ruak cu kuat dingin an tawlrel.

Nizaan May 8 ahkhan tlangval Lian Lian Tuang a ruak cu Kajang sizung pi ah thlacam in thlahnak an tuah i Malaysia Air Away in kawlram lei ah an kuat cang. Kaltakmi chungkhar Pa Pathian nih hnem hram ko hna seh. Source, KFFS