Pa Ta A Dir Kho Lo Mi Pawl Nih Theih A Herh Tak Tak Mi - TIMES OF CHIN NEWS

Pa Ta A Dir Kho Lo Mi Pawl Nih Theih A Herh Tak Tak Mi

Nuva pehtlainak ah mah hi a herh tak tak mi cu Dr Pari nih chimfiannak a rak tuah. Hi hi a bia tuk mi a si caah phun dang zong in ruat loding a si. A tang leiah Dr. Pari nih a rak chim mi cu tling tein ngai khawh a si.

Relchap >>>> US a Lung a Tling ruam lo nain, Russia Hriamnaam Cawk dingin Turkey ai Timlaam
============================================================
Washington lei nih ralrin an pek len ko bu zongah cun Russia hriamnaam cawk dingin Turkey ai timlaam tualmal ko rih. Ankara nih Russian hriamnaam cawk ai timhmi kongkau ah NATO chungtel pawl an karlak ah i dukdaknak a um lio pi ah a tu bantukin Turkey lei nih hau pah ai timh hi a si. Russia ser S 400 missile defense system cawk i let dingin Washington nih Ankara a hrocer ko nain, Turkey lei nih an lungthulh an i timh lo nak kong an defense minister Hulusi Akar nih a chim. “Hi kongah America nan lungre a theih len awk a si lem lo” tiin a ti hna.

“Hi hriamnaam hi mi a buaibaitertu hriamnaam a si lem lo. Hi hriamnaam hi khoika kan va chiah zongah ahohmanh a buai hna ding khi a si lo. Aho ca hmanh thihnung le ralrin hau thil zong a si fawn lo,” tiah Akar nih a chim.S 400 missile ah an hmanmi Advanced Radar hi NATO defense systems caah tihnung a si. Cucaah NATO umnak hmun ah chiah lo ah a tha, tiin Washington nih a chim ve. Russia ser missiles tamdeuh in cawk kai tim lehlam cu ta, tiin Ankara nih a chim. Turkey cozah chungum kong a theitu source pakhat nih a chim ningah, Turkey nih Moscow he lungtlinnak min an thut cang, ti a si.

“S 400 missile system telhchih in a dang Russia hriamnaam pawl na cawk ah cun phihkharnak na tong kho,” tiin kan hnung thla ah khan US Secretary of State Antony Blinken nih Turkey ralrin a pek bal.
Turkey raltuknak vanlawng an hlun pah cang caah, US nih a F-35 zorh a timh. Asinain a tu bantuk i Russia ser S 400 cawk a timh mi nih US lungre a theihter ngai, tiah theih a si. “A tu bantukin US nih a forhfial ruangah hin ralhriamnaam kongkau i Russia he kan i pehtlaihnak a fehter chinchin lehlam,” tiah Turkey presidential advisor Mesut Casin nih a chim.

“Raltuknak vanlawng thami 200 kan herh. Cucu cop le cilh in kan herhmi a si. Asinain, cu bantuk ral a tu khomi vanlawng cu US nih a kan pe duh lo. Cu tikah, nanmah US nih cun pei Russia raltuknak vanlawng cawk lo awk thalo dirhmun ah na kan chiah fam cu. A ngaingai ti ah cun Russia vanlawng hi cawk kan duh tung lo. Asinain nanmah US nih nan vanlawng na kan pek lo hraat ah cun, ral a tu khomi vanlawng tha cu le kan herh ve cang caah, Russia vanlawng hi kan cawk a hau ko,” tiiah Casin nih a chim.

Hmaithla i tuah te dingmi NATO Summit ah American president he Turkey president an i ton hlan tiang paoh cu Ankara nih Russia hriamnaam hi a caw len rih lai lo, tiah mifim pawl nih an chim. Turkey nih Russia missile cawk a timhmi nih hin US le Turkey karlak pehtlaihnak kiam chungah a khomh bantuk a si, tiah Duvar News caah catialtu Ilham Uzel nih a chim. Hi hriamnaam cawknak kong hi dawnkhaantu thil pakhat a si. Asinain a dang duhthim awk cu an ngei hlei ti lai lo, tiah ka ruah. A tu bantuk thil a si taktak ko ah cun, US nih Turkey cungah phihkharnak a tuah lai. A tu tluk in Turkey nih US he lamhlaaknak ah hmunhma a khuar hi cuhlan ah ka thei bal hrimhrim lo, tiah Uzgel nih a chim.

“Kannih Turkey nih cun Russia missile cawk hi leet kan i tim lo. Cucaah, Washington tu nih a kan khammi hi a leet ah a tha lai,” tiin Turkish foreign minister Mevlut Cavusolgu nih a chim. Washington lei nih an lung an thumh a si ko ah cun, Ankara lei zong nih hnatlaknak tuah hi a lung a tling kho rih men ko, tiah a cheukhat mifimthiam nih an hmuhning an chim. By Chelsea Bawi

error: Content is protected !!