Ralhrang nih uknak an lak kaa in nihin tiang mipi he hmunkhat te ah ralhrang a doh peng ve mi kawlram minthang lemcang Paing Phyo Thu le a pasal Director Na Gyi hna cu pohmah 505 in ralhrang nih taza an cuai veve hna. Hiti tazacuai an si hnu ahhin an nupa in ralhrang kutin luatnak dingah an i thuh liopi a si.

Mipi he nihin tiang an ttantti nak le ralhrang an duh lonak cu an i thuhnak zong in an si khawh tawkin an rak langhter peng rih. Director Ko Na Gyi cu hringtu a nu nih a mui te hmanh hmuh tak manh loin May 8 ah a liamtak ruang mang. Director Na Gyi hi a nu he an i hmuh lonak thla (3) hrawng asi cang. Hi kong ruah ahcun lung a fak hringhran ko. Vawlei nunnak dongh lai te hmanh ah fapa hmui hmuh ta loin a liam mi hringtu a nu a liamsia a herh hringhran ve ko lai mu.

Zeitik hmanh ah i hmuh khawh ti lo dingin hringtu a nu nih a liam takmi Director Na Gyi ca hrim ah zei tlukin dah a hei tuar hnga. Ruah ah lung a ttha hrimhrim lo. Hiti Director Nar Gyi a nu dam loin a um lio ahhin zohkhenh tu zong a ngei lo i Director Na Gyi a nupi i a nu actress Paing Phyo Thu i a nu nih a zohkhenh i a thlopbul. Director Na Gyi a nu a thih thawng zong actress Paing Phyo Thu i a nu nih Director Nar Gyi te nupa cu a lang in thawng a hei thanh chom hna. Ref-Paing Phyo Thu fb