Hakha Aiawh In Winner A Cotu Nu Cu US Ah Miss Universe Zuam Ding In A Phan Cang - TIMES OF CHIN NEWS

Hakha Aiawh In Winner A Cotu Nu Cu US Ah Miss Universe Zuam Ding In A Phan Cang

Hakha Aiawh in 2020 Miss Universe Myanmar ah Winner a Cotu Miss Thuzar Wint Lwin cu Miss Universe ah i Zuam ding in US ah a Phan
———–
December 2020 ah an rak tuahmi Miss Universe Myanmar ah Hakha aiawh in aa zuam i Winner a cotu Miss Thuzar Wint Lwin cu May 16 ah tuah dingmi Miss Universe ah Myanmar aiawh in i zuam ding in nihin ah US ah a phan.

Miss Thuzar Wint Lwin hi Myanmar ralkap uknak duhlo cawlcanghnak zong ah fak piin thazaang a chuahmi a si i “Queen of Democracy” tiah upatnak minhleng zong mipi nih an pekmi a si. Miss Thuzar Wint Lwin cu Miss Universe (2020) zuamnak an tuah nakding hmun Seminole Hard Rock Hotel & Casino, Hollywood ah a phan cang, tiah theih a si.
The Chin Journal
May 7, Yangon
(Myanmar Labor News)

Relchap>>> Ralhrang Bawi Min Aung Hlaing Hi A Chir Tuk Ko Cang Lai!
**********************************
Misual zong i chir caan an ngeih ve bang, tutan Uknak firtu Min Aung Hlaing Cu a chir tuk ve ko lai. Asinain Chir zong ah san atlai ding a si lo caah a pah chih lawlaw i a si ko cang. Tutan Min Aung Hlaing nih a chir tuknak ding a ruang tlawm tein ka van langhter hmanh lai!

Pakhatnak : Voidang tawn bang mitkut thaw zongin a it kho ti lai lo. Tutan uknak a lak hnu ah, ramdang nih an phihmi vialte a sunghmi khi Million tamtuk man a si lai. A sunghmi dihlak kan langhter kho lo nain a sungtuk hrimhirm ti cu theih khawh a si.

Pahnihnak: KNU ral a dohnak ahhin zeizat kho dah a sungh hnga? KNU nih March 25 i, Ralkap sakhan an lakmi pakhat hmanh kha $ 10 Miilion leng a si lai tiah an ti! A dang vialte sakhan an lakmi an hriamnam le a hmanmi thilri a sunghmi hi a tlawmbik in $ 15/20 Million a si hrimhrim lai.

Pathumnak: KIA ral a dohnak ahhin zeizat ko dah a sungh hnga? Alaw Bum tlang sakhan KIA nih anlakmi kha Million zeizatman dah a si hnga? KIA nih rakap sakhan an lakmi hi, thlakhat chungah Sakhan pahra hrawng a si. Khi vialte an lakmi thilri khi $ 20/30 million cu a si hrimhrim lai.

Palinak: Nai te i, KIA nih an kahmi Cunglei raldohnak MIL Mi-35/24D kha a man an chim cio tikah 36 Million man a si ee tiah an langhter. A man a tam kho taktak. Panganak: A ralkap a thimi an tam tuk lawmmam. Rakap tha nih cun an ralkap pakhat sungh hmanh an duh lo. A sinain Min Aung Hlaing cu a ralkap thih hi zeihmanh ah a rel rua lo. A thimi an hei tam khawh ning. A ralkap minung zeizat ko dah a sungh cang hnga?

A ralkap a thimi hmanh cu ui thih le ar thih in an ti. Min Aung Hlaing nih hi vialte a sunghmi phaisa le Minung nunnak a sunghmi hi i chir loawk a tha lo. Cu pinah a sungh than dingmi a ruah ahhin a celh ve bel lai lo. Nain kachir ahcun ka thi colh lai ti a theih caah a pah chih lawlawmi a si cang. Min Aung Hlaing SAC kan teinak dinghi caan a rau ti bel lai lo tiah ka zumh!

A ruang cu Myanmar minung nih Min Aung Hlaing an cohlang ti lo. Teinak kan hmuh tikah Min Aung Hlaing Le A Ralbawi Pawl, Laimi chungin Zeimawzat (Min Aung Hlaing Bawmtu) tbk fak taktak in taza kan cuai te hna lai. Sualnak a ngeilomi Minung 700 leng a thattu cu an sualman an hmu ve hrimhrim lai. By Tincung Lian

error: Content is protected !!