Democrats Pawl An Thin Lawng An I Domh Cang - TIMES OF CHIN NEWS

Democrats Pawl An Thin Lawng An I Domh Cang

President hlun Donald Trump cu 2024 thimnak ah icuh than ding in timhlamhnak a ngeih caah hmaizarh chungah hin election ah a biapit nak hmun, crucial battleground states pa 4 ah khual a tlang lai i, biachimnak a ngei lai ti a si.

A tlawmnak ding state hna cu: Florida, Ohio, Georgia le North Carolina a si lai. Democrats pawl cu atu tein an thinphan caah Donald Trump election icuh khawh lonak ding lam lawngte an kawl, sualnak a phunphun an puh i taza an cuai lio a si.

SAC ralhrang pawl nih Aung San Suu Kyi sualnak aphunphun in an kawlmi a lo pah thulh. Tulio kan pu Biden cu a derhdorh tuk an ti i, Russia, China, North Korea, Muslim ralhrang Hamas tepawl nih zei ah an rel lo. An duhning paoh in an cawlcang salam hna. President Trump lio ahcun mah hna pawl hi acawl an cawl ngam lo.

Press Conference tuah i thawnglatu hna biahal hi a tih bikmi pakhat a si an ti. Press conference zong zarh chiar tuah dingmi a tuah duh lo. Biden chan ahcun thil man le Gas, datsi man cu van a tong ti ding a si. Atu ning in cun kum 4 chungah US nih kan ngeihmi phaisa vialte a hman dih te men lai. Refugees kum khat ah 125000 tiang ka laak lai a timi zong a let diam i, kum khat ah 62500 lawng ka laak lai a ti than. Credit: Salai Lairamthang

May be a Twitter screenshot of 2 people, people riding on horses, people standing, footwear, suit, office and text that says 'PRRTANA KNTIS News > US News DON COMEBACK TOUR Trump to hold rallies in four crucial battleground states as he teases possible 2024 election return Chris Bradford 10:52 ET, May 21 2021 Updated: 11:29 ET, May 21 2021'

relchap >>>> Loklung Ralzaam Naupawi Pakhat an Zaamnak Hmun ah Nau aa Then
——-
Loklung ralzaam hna lak ah aa telmi hringtu nu pakhat cu an zaamnak hmun naute a ngei, tiah Loklung ralzam kong thlacam sawmnak ah HBA nih a langhter. May 18 le 19 ah Rungtlang SAC ralhrang (266) nih Loklung khuapawng lei ah miakpi in an kah hna caah Loklung khuami cu an zaam dih hna.

A zaammi lak ah aa telmi pastor pakhat nih, “Fak piin thlacampi kan herh ko. Loklung cu hmun kip ah kan rol i khua a tthing ko. Lungrethei le thinphang in kan um lio a si. Vok le Ar zong veh lengmang ngam an si lo caah kawm bauh in kan thlah hna,” tiah a chim.

An zaamnak hmun ah tlangrai zong nih a tlak hna i ngakchia a zawmi an um len pin ah naupawi pakhat zong zaamnak hmun ah cun nau aa tthen. “Tlangrai nih a kan phak i kan ngakchia a zawmi an um pah len. Naupawi zong an um i pakhat cu zaamnak hmun ah aa then cang. Kum 80 cung tar zong an i tel. Zawt buin zaampimi zong an i tel. Thlacampiak kan herh hringhran ko,” tiah HBA ttuanvo ngeitu sin ah a cunglei pastor nih a chim chap.

Loklung ralzam hna ca ah ramchung le ramleng khuasa Laimi vialte nih thalchampiak ding in HBA nih sawmnak zong a tuah. Loklung hi a khua ning in an chuahtak dih i khuachung ah thluaktlinglo minung pahnih lawng an taang. A zaammi an zapi ah milu 850 hrawng an si, tiah pastor pakhat nih The Chin Journal ah a rak chim.
The Chin Journal
May 25, Hakha

error: Content is protected !!