Kawl ralhrang tang tuahmi fimcawnnak cu zeihmanh asi lo zia le hman tlak asi lo kha mi zapi theih cio asi. Uknak a firmi kawl ralhrang nih a naite ah ram pumpi sianghleirun onnak an tuah nain sianghleirun a kai tthanmi an um lo tluk si pinah 5000 man minung tar pitar putar pawl thawng thanh duh ah an kar ter hna.

A ra laimi June thla chung ah kawl ralhrang nih tanghra telhin a tanglei paohpaoh sianginn onnak an tuah tthan hnik i hi chung zong ah ahohmanh sianginn i ap lo dingin i forhfial cio asi.

Laitlang chung kanmah Hakha hmanh ah mi cheu sazaci telhin saza sazamah cheukhat cu CDM i tel duhloin sianginn an kai hna i CDM a lutmi an hawile hmanh kha an lung a donghnak hnga a phunphun kawl ralhrang tthihphaihnak le phung le phai kha an i chim ter.

Theih awk cu kawl ralhrang tang onmi sianginn ah fimnak taktak a umlo. CDM a tuah duhlo mi sazaci telh in saza, sazamah te zong nan fanu te kha kawl ralhrang bawi thlan zat tu te ah maw sianginn cu nan chiah ko lai timi ruah lo awk a ttha lai lo.

Atutiang ah kawl ralhrang nih mipi an thah mi hna dah tilo ningkel tein cozah an sinak teinak an hmuhmi pakhat hmanh a um rihlo. Bank an khar, cozah zung tampi aa khar, sianghleirun aa khar, sizung aa khar, sianginn kharnak zong ah i tel kho cio rih hna uh sih.