Cawbuk Kahdohnak ah SAC Ralkap 4 an Thi tiah CDF nih an Fehter - TIMES OF CHIN NEWS

Cawbuk Kahdohnak ah SAC Ralkap 4 an Thi tiah CDF nih an Fehter

Hakha, Cawbuk sang Check Point kahdohnak ah SAC ralkap 4 an thi, tiah CDF nih Mizzima thawngzamhnak ah an fehter. CDF upa pakhat nih, “Matupi in Hakha lei rak luhnak ah SAC ralkap check point a um. Cuka ah cun ralkap 7 an um i CDF nih kan kah hna. Minung 4 fak ngaiin kan hliamh hna i pakhat cu a hmun ah a thi. A dang pawl zong an thi tiah chim khawh a si ko. Kanmah CDF lei in cun aa hliammi kan um lo,” tiah a chim.

Zaan sml. 6:45 hrawng in kahdohnak a chuak i sml. 8:00 hrawng ah kah thawng a dai. Kahdohnak a chuahnak hmun lei ah ralkap motor pathum zong an kal. Kahdohnak a chuahnak pawng hrawng i khuasa pawl hmun dang ah aa tthialmi zong an um hna.
The Chin Journal
May 2, Hakha
(Mizzima)

Hakha ah kahdoh nak achuak cang caah ” Daithlang awk a tha ti lo. Khuapi Hakha le Than tlang lawng zoh sawh ding asi lo. Khuate tlang val pawl zong chuak dih u. Meithal zong khua te ah atam i khuate pawl hi khuapi nak in meithal kah an thiam fawn. Chukcho akal peng mi ansi i” An thahri zong a tha.

CNA pawl zong nih Uniform hruk loin rak bawmh ve hna seh. Laimi cu Meithal tuah thiam lo kan um lo. Khua zei paoh nih mei thal tuah kan thiam dih i kuan le zen tuah zong kan thiam dih. Atu cu zeiti tuah awk a ttha tilo i ” Asi ning poah in cawl cangh ve a hau cang. Lautu mara Zophei le sen thang zong chuak dih uh Kan ral doh nak ah Pathian nih in bawm hram hna seh. Crdit: Hc Pa Thian Dawt

error: Content is protected !!