NUG Prime Minister Mahn Win Khaing Than Nih Lehnak A Van Tuah Tak Tak Cang - TIMES OF CHIN NEWS

NUG Prime Minister Mahn Win Khaing Than Nih Lehnak A Van Tuah Tak Tak Cang

Ramkheel thongtla an thlah hna hlanlo tonbiaruahnak kan tuahpi kho hna lo, tiah NUG Prime Minister Mahn Win Khaing Than nih a chim. ASEAN nih an meeting biachah mi thil phun 5 lak ah Myanmar ram hramhram kahthahnak ngol ding le ASEAN Special Envoy ser in tonbiaruahnak pawl tuah ding, tibantuk kong ah, “Presindent U Win Myint le State Counselor Daw Aung San Suu Kyi tel in ramkheel ruang ah thongtla mi dihlak an thlah hna hlanlo tonbiaruahnak kan tuahpi kho hna lo,” tiah Prime Minister Mahn Win Khaing Than nih ASEAN a leh hna nak anmah lei nih leh venak a um rih lo. #VOA. Credit: The Hakha Times

Relchap >>>>> Lungrual Caan A si
============
Tu lio cu covid-19 nih fak tukin Delhi cu a kan den lio caan a si i Langak nun ralchiat nun cawn lio caan a si.Khatte leiah kawl ralkap dohnak caah Mindat kan unau hna bantukin chiandeih ralthat nun zong kan herh lio caan te a si. Rul bantukin fimziar nun zong kan thiam a hau.

A ruah hlan ah Chin State, NUG zong dirh khawh an i zuam lai tiah ka ruah. Cutikah cun ho nih dah Defense Dept hi tuanvo a la lai timi biahalnak a um.CNA hi Chin State,NUG nih Defense Dept hi tuanvo an pek hna ahcun aa tlak bik ko lai. Cuti an pek hna ahcun CNA nih CDF pawl hi a bawmtu (Auxiliary Troop) caah a siseh,cun CNA training kai cia mino pawl vialte zong Reserved army ah a hman thiam ahcun Chin Battalion huham cu a kai thluahmah ko lai. Ral tei le tei lo cu kawlram pumpi cungah a hngatchan mi a si.

Chin State, NUG zeitindah an dirh lai timi zong mipi nih kan i ngaih ngai mi a si.Cubelte cu “Unity” timi min an bunh caah buu tampi a huap a hau i an rian hi a fawi lai lo. Bia a har deuh ahcun nupi hal lio i a lengah chuahta duak i bia i ceih than phun khi a tam lai. Nain a donghnak ahcun lungrual tein Chin State,NUG zong a kan dirh piak khawh ko lai zumhnak ka ngei. Ho paoh kan lungrual caan a si. By Salai Tin Maung Win

error: Content is protected !!