Mipi tlaihmi le Ralkap tlaihmi an i thleng

3 April 2021, Kalaymyo-Tahan ah mizapi nih tlaihmi Traffics rianttuantu le polices 6 hna cu ralkap nih tlaihmi mipi 9 hna he i thlen in siamremnak tuah asi. Hi bantuk i siamremnak hi Ralkap lei in tuanvo ngeitu hna nih hal/nawlnak hmasanak in thokmi asi i mipi lei hruaitu hna he i ton hnuah biachahnak tuahmi asi.

May be an image of 4 people

Ngiathlaitu 1 (Dalaan) mipi nih an tlaihmi tu cu sang khuabawi sinah ap asi i biakamnak le chimhhrinnak neihter asi. Mipi lei thong a tlami 9 an chuah cang hna i, a ra laimi 5 April (Cacawn nikhat ni) lei ah a chuak rih lomi mipi thongtla dang zong chuahpiak dih dingin biachahnak an ngei, Sihni nih minthutnak neihpiak zong a herh lai tiah kan theih. (Hi thawngpang kong he pehtlai in update tuah khawh kan i zuam lai). Credit: The Hakha Post

May be an image of one or more people and people sitting

Relchap >>>> Than Shwe uknak tang ah mino tampi kan ram an zam tak i ramtha an phan, riantha an tuan i sipuazi an tuah khawh caah duh dim ngai in khua an sa kho, an rum ngai cio. Nain, Ralbawi Solomon le CNA ralkap tampi cu an zam lo, ‘kan thi lai maw kan nung lai’ timi nifatin phan buin kum caan sau tuk ralkap uknak an doh.

An chungkhar caah sipuazi tuah caan an ngei lo, miphun caah an caan dihlak an pek. An chungkhar cu harsa ngai in khua an sa. Nain, atu cu ramtha a phan cangmi tampi nih CNF/A cu ‘kan phaisa lawng nan duh, nan ralchia tuk, ralkap nan kah ngam hna lo, kan in bawm ti hna lai lo’ tibantuk in zei rel lo ngai in an soisel hna. Lung a tha lo tuk.

Chawva cu aho poah nih miphun caah an pek siang cio ko, kawl than khawhmi a si. Nain kawl than khawh lomi nunnak belte cu ram a daw taktakmi lawng nih pek an siang, miphun caah nunthap hi a sang bikmi miphun dawtnak a si timi philh lo a tha.

Tulio buainak zong ah leklak ramdang a zam colhmi an tampi, nunnak pek ngamh in ramchung ah ralkap a doh ngammi mino zong an tampi ve. Hmailei kum 5 ah khin tulio a zammi phu nih a zam lomi phu cu ‘nan ralchia tuk ee’ tiah ningzah hngalh lo ngai in dainglukyi tuan an i tim ve te ding khi ruah chung tikah lung a nuam lo ngaimi cu a si. By Salai Lungthli Tum

error: Content is protected !!