Miphun nan dawtnak a lang i lomh a um taktak. Ruah aherh ngaimi belte a um

Ram leeng um Laimi unau hna nih Kalay lei thawngpang theih in cawlcanghnak thazaang nan hun chuah ngai. Miphun nan dawtnak a lang i lomh a um taktak. Ruah aherh ngaimi belte a um.

1. Kalay lei cawlcanghnak khi Kawl he Chin he fonh in cawlcanghnak asi. Chinmi lak zong ah Tedim, Falam, Hakha, Kuki ti in fonh in an cawlcang. Kawl holh a hmang mi deuh nih hriamtlaih cawlcanghnak khi an hruai hna.

2. Kalay lei cawlcanghnak cu mipi cawlcanghnak – CDM protest in aa thok. Mino an thin a linh tik ah hriaman hman. Mei thal a puak tinan van theih tik ah ram leeng lei zing nan thin a vun lin ve!

3. Cu thinlinh nih cun meithal cawkpiak tibantuk, a vun chuah ter. A sosang taktak cangmi dirhmun a panh. Mibu hruainak, phaisa tawlrelnak, eidin herhai tawlrelnak bu, hriamnam le zenkuan damhkhan kikkawinak bu, A hliammi hna thlopbulnak bu, tibantuk in a felfai mi tawlrelnak a fiang na lo in bomhvun timh lulh asi.

4. Asia ram lak hmanh ah hriamnam le ralkap thazaang ttha wng a ngei ti ve mi vundohnak ding ah thinlinh men ruang ah kan mino hna a cawl lai ding mi khi tih a nung ngai, Khuaingal bu fung in va sawh a lo sual lai ti phan a um ngai! Tei huaha ttung lo ah mipi, nunau, inn le lo le khuaram nih a tuar sual te lai.

5. Meithal in ralkapkan doh seh ti ahcun, thukpi in timhtuah hmasa a hau. A fek mi bu ser hmasa i felfai te in ningcang (Strategy) suai hmasa a hauhnga. 5. Training hna tuah lemlo pi in mino hna thinlinh in fakpiin meithal puah ding hi cu teitu cawlcangh ning asi deuh lo.

6.Phaisa kan thawh i mei meithal kan cawk mi nih mino thi a sat ter chin te lai. Puah zokzok duhnak thinlung a peek te hna lai. An puah zokzok ahcun kan khua ram le kan inn lo le kan titsa nih faak tuk a tuar lai i nunnak tamoi a liam te lai.

Cacah, faakpi in, thukpi in timhtuah ter hmasa rih hna usih. Kan thazaang zeimaw zat a tthawng cang ti hnu ah mei thal puah ter hna usih. Cu loahcun khuaingal bu fung inva sawh kan lo lai!
Lungfim bu in chiatha thleidannak khuaruah khawhnak he ral doh hi attha bik lai. Credit: Thla Thawng Hlawn Khirh

error: Content is protected !!