Khah Chinramah Ralkap Sinah Thawngpe Tu An Lu An Tan Cang Hna Hih

Kawl ralkap nih uknak an lak hnu in a tutiang mipi ni ralkap uknak duh lonak an langhter peng. Mipi leiin a nunnak a laim mi zong an tam tuk cang pinah hliamhma a tuar mi le thongthlak mi zong an tam tak tak cang. Kawl ralkap zong nih mipi thah hi zei ah an rel ti lo. A poi tak tak mi cu kan mah mi sawh lei zong in ralkap sinah report a tuah tu zong an tam ngai.

Cu ruangah mipi hi kan tem khunnak a si. Kan mah Chin mihrim hi khuaruah har kan si. Hakha zongah ralhrang sinah thawng a pe tu an um len ko. Mi pi lei zong nih a tu ban tuk in ralhrang sinah thawng a pe tu an um lengmang caah an celh ti lo i Mindat ah cun pafa hna cu an lutan in an thah hna tiah theih a si.

Pafa hna hi ralhrang sinah mipi thawngpang a pe ton mi an si caah a tu ban tuk in an thah hna a si tiah theih a si. Pafa hna an thahnak hna cu confirm a si tiah langhter a si. Mah ti ning in kan mah Hakha, Thantlang zong ah ralkap thawng a pe tu an um lengmang caah mah ti hin an tuah hna lai loh tiah chimkhawh an si ti lo. Cu caah i ralring tak an hau cang.

Relchap >>>> Ram Hluum Khuasa Nih Ruah Deuhah Ttha lo Maw?
A tu Kan ram a buai Lio ah hin a phunkip in Duhlonak langhter cio a si i a dik fawn.Mah kong ah hin,Khrihfabu hi kan i pum kho ti in ai lawm mi um a si.Convid-19 ruangah pumh rihlo ding khi Kan si rih hna fawn hna. Duhtawk in Kan ipumh hna ahcun ,Min Aung Hlaing le a nau le pawl nih an itleih ding mi cu,Kan ram cu biaknak pawl zong zalong tein an ipum kho Ko hna,zeihmanh harsatnak Kan pe hna lo an ti khawh mi si.

Israel mi kha Babilon sal an taan Lio ah khan ,Tiva Kam ah an dir Zion hla Kan sak piak u an ti Lio hna ah khan an Zion hla kha an SA duh lo kha,a sullam nan theih ka zumh. Cucaah khrihfabu zong hi CDM kan si Kan ti awk asi i,Kan i pum rih lo awk a si ko .

Pastor’s te nih pumh pi pumh hrilh hi ram dam nak nak in ram rawk nak lei a si ti Kan Ruah i, mah le in cio ah caan hman ding mi tu Khrihfabu lei in tuah piak cio i mah ti cun thla Kan cam hna awk tu a si deuh hnga lo maw? A tu sehtan Phu pawl Kan tei hna cun duhtawk in Kan ipum te Ko hna hnga.Mah ti Kan tuahnak nih hin CDM thatthawnnak ding ah tampi tha pe tu nan si kohnga. Zeitin nan Ruah cio? By Tinduh Thang

error: Content is protected !!