Kawl Ralhrang Pawl An Kengruh An Khiah Cikcek - TIMES OF CHIN NEWS

Kawl Ralhrang Pawl An Kengruh An Khiah Cikcek

Chinram ah cozah rianttuan minung 13,300 (92%) nih CDM cawlcangh nak in Kawl ralhrang phu cu an doh hna caah kawl ralhrang pawl an kengruh an khiah cikcek. Voidang ah cozah nih tax a lak tawn mi electric mei man lanwg hmanh in Hakha khuachung ah thlakhat ah phaisa ting thongkhat an rak hmuh tawn. Atu cu CDM ral a do mi le mipi nih SAC ralhrang sin ah zeihmanh tax an pek duh ti hna lo caah cozah income an nei ti lo.

Mah cu tax tampi lak ah Electric bill pakhat te lawng kan vun chimmi asi. Lungrual te in le lungsau te in kan ttang lai. Kan ti khawh nak lam cio in SAC ralhrang kan doh peng hna lai. Pathian thawng in Mipi nih teinak kan co lai. Saduh kan thah lengmang mi Federal Democracy ram kan ser lai. By Salai Bawi Lian Mang

May be an image of text that says 'In Chin State, over 13,300( 92%) of government employees continue Civil Disobedience Movement. This CDM movement have effectively broken the backbone of SAC terrorist group. ချင်း မှာ အ ရ ဝန် ထမ်း ၁၃,၃၀၀ ကြော (92%) က ဆက် လက် CDM ဝင်​ေ တာ့ အာဏ သိမ်း​ေ သာင်း ကျန်း သူ စစ်ေ ကာင် စီ ကြော ရိုး ကျး သာွး'

Relchap >>>> April 12 ah Min Aung Hlaing naule rual, ram-ui, asiloah ralhrang nih Chin miphun hriamtlaibu a simi CNF/A cu nan camp ah kan in tlawng hna lai tiah an chimh hna. Hi kongah CNF/A upa hna cu meeting an thu colh.

Meeting ah cun atu lioah vawleipi theih in a mualphomi le a thangchiami ralhrang rual cu maw kan camp ah cun kan luhter hna lai. A voikhatnak an rak luh kha a za cang. Tutan kan luhter hna ahcun kan mipi nih an kan zum ti lai lo, a fih in an kan fih cang lai, cucaah cun kan luhter ti hna lai lo. Kan duh lo buin an rak luh ahcun meithal kan puah a hau ko tiah CNF/A upa nih biachahnak an tuah.

Cu an biachahnak cu ralhrang sinah an thanh hna. Ralhrang lei nih cun cunglei nih an kan fialmi a si caah kan rak luh a hau ko ti phun in an chim ve. CNF/A lei nih nan rak luh ahcun meithal kan puah a hau an ti cangmi a si caah ralhrang pawl CNF/A camp i an luh taktak ahcun an i kap ko lai, ti a fiang.

Cucaah ralring tein um cio usih.
A voikhatnak ralhrang rual Camp i an luh lioah khan Chin mipi nih CNF/A kan mawhchiat, kan soisel tuk hna. Tutan tu cu luhter an duh bak ti lo, i kahnak a chuah taktak ahcun Kachin le Karen bantukin Chin mipi nih kan tuar ve ko lai. Pathian tu nih kan umpi cio hram seh.

Hi kong hi thawngpang kan theih lecangka in thawngpang vaivuan hna a si sual ah tiin Chin Post nih tuanvo ngeitu upa kan chawnh hna i thilsining an kan chimh hnuah atu bantukin mipi sinah thawngpang kan tial hi a si. Credit: Chin Post

 

error: Content is protected !!