Haithlan in Hakha peng Nabual khua ah Ralkap minung 20 leng an ke in an kal - TIMES OF CHIN NEWS

Haithlan in Hakha peng Nabual khua ah Ralkap minung 20 leng an ke in an kal

Nihin zing suimilam 10 hrawng ah Haithlan in Ralkap pawl cu an ke in an kal i chun suimilam 12 tluk ah Nabual khua an phan.Ralkap pawl hi minung 20 in 30 kar cu an si lai, a pikpak tete le hmun dangdang in khua chung ah hin an rak lut. Hi ralkap an hruaitu hi Major (Kalay lei in aa rak i thial mi) a si i ‘Mipi hnahnawhnak kan in pe hna lai lo, khua le ram kan zoh ta i a si’ a ti i khua chuang ah suimilam 1 hrawng an um hnu ah lungphor motor in Hniarlawm khua lei ah an kai” tiah khuami pakhat sin in kan theih.

Mi Vialte Coronavirus Kong I Buai Lio Ah Police Pakhat Cu Thiltthalo Tuah Ding In Soilem A Si – Chin World News Evening

Atu lio kanram dirhhmun cu thatnak lei nak in chiatnak lei ah kar a hlan ning a khul a rang chin deuh ngai cu. Hakha ahcun mino tete zong hmu awk an um ti lo. Khoika lei dah an zam dih timi zong thei kho an si ti hna lo. Ralkap nih uknak an lak ni tlawmpal ahcun ralkap nih minung pakhat te an tleih sual ahcun Hakha khuachung mino tampi nih zamtim zong ah palek zongah an kal hnawh ngam ko hna. Nain a tu ahcun cu vialte minung pawl cu khoika dah an um ti theih khawh an si ti hna lo. Tutan Hakha ah ralkap an i cawlcang ning cu tihnung taktak khi an si cang.

Myanmar crackdown deepens as pro-democracy protesters decline to quit

Hakha ah minung an tlawm tuk cang. Ralkap an ngiat pah mi hna minung zong pakhat hman an um ti lo. Mino hrimhrim an tlawm kho tuk cang. A um chung hnikhat te hman ralkap nih nikhat ah minung pathum or pali tal cu an tleih peng cang hna. Khuate lei in Hakha ah thil herh arak cawk mi tiang an luat ti lo. An minung an tleih hna lawng a si lo. An phone an check piak pin hna ah an i ken mi phaisa tiang an lak piak dih hna tiah theih a si. Ralkap nih an tleih cang mi hna minung paoh paoh cu a fak kho chung fak in an hremh rih hna.

Future Unclear for Myanmar Army Deserters in Netherlands

Ralkap nih fak tuk in an hremh hna ruangah chim lo ding bia pawl zong an chim sual tawn tiah theih a si. Tutan talkap an i cawlcang ning hi atu lio Hakhar sining in cun tei an har tuk ko lai. Ral tei khawhnak ding ahcun online in minta tuan loin ralram le ralhmun teah um a herh. Nain Ralram le ralhmun ah a um mi mino le mifim bochan deuh pakhat hman an um ti lo. Cu caah ralkap cu online dohkalh awk ah an har ngai ngai ko cang. Keimah pumpak kan i tel kho tung lo ahcun mi va forh lengawk an si hrimhrim lo. Ralkap nih an tleih cang mi pawl hna an temtuar ning a fak tuk.

Soldiers and police fire air guns into crowd of protesters at bank in Mandalay | Myanmar NOW

Ralkap nih fak tuk in hremh ruangah Hakha ah minung pakhat a nungnak tiang a liam cang. Atu a tang rih mi pawl hna zong zingzan ralkap kut in fak an tuar chin lengmang caah online hrimhrim in mi forh phungphai cu kan tuah ti lo ah a tha cang ko. Atu ca kan tialmi hi ralram le ralhmun ah a um mi kan unau pawl hna nih an tuar ning a fak tuk cang caah fim ve cang usih timi saduhnak he kan tial post mi a si. A rel zia thiam mi pawl nih zalawng tein share kho a si.

error: Content is protected !!