CNN thawngla nu Clarissa Ward cu ralkap mawtaw in an kalpi – TIMES OF CHIN NEWS

CNN thawngla nu Clarissa Ward cu ralkap mawtaw in an kalpi

CNN thawngla nu Clarissa Ward cu ralkap nih an duhnak paoh ah ralkap mawtaw in an kalpi i an duhmi thawngpang lawng an lakter. Amah tein zalong tein khuazei paoh kal le thawngpang lak an sian lo.

May be an image of 1 person and standing

A tawifiannak cun ralkap tapeh asi. Ralkap caah ralkap duhmi thawngpang lawng a lak. Thil sining taktak thawngpang a la kho lo. Ralkap nih ramdang media, UN, US le ramdang sinah ralkap ṭhatnak chimrel piak dingin tangka tampi dih in an hlanmi Israeli pa Ari Ben Menashe nih South Korea ram ah a ton hmasa hnu ah South Korea in Yangon ah ralkap nih an luhtermi si.

May be an image of one or more people

Yangon a phaknak ni 3 asi cang i ralkap nih ralkap mawṭaw in an kalpi peng. Nizaan zongah, Yangon Insein ah ralkap nih ralkap mawtaw in an kalpi i market thil zuar pawl interview an tuahter nain an ṭinpi cangka in ralkap mawtaw pakhat a hung kir i interview a tuahmi (ralkap duhlonak a chimmi) minung 2 an tlaih hna. Credit: Tial Lian Thang

No photo description available.

Relchap >>>> I zam taak caan a si lo
Nang thi law kei luat ning timi ruahnak ngeih hrimhrim lo ding. Hawi dang thih nun ruat loin ral an doh lio ah mi cheukhat cu kan zam hna. Zeitindah ka hawinu ka hawipa ka bawmh lai i zeitindah kan ral ralkap hi kan tei lai ti ruat lo in zeitindah kan nih chung hi kan luat dih khawh lai timi lawng te a ruatmi kan um.

A bik in khuapi chung ummi a zammi kan tam ngai. Zam timi cu a tha ko. Mah belte hawi zam hlan i zam le hawi zam lo lio caan i zam timi cu hawi tha lo. Mi deuh tu kan si. Atu hi zam caan a si lo. Doh caan a si. Ralkap nih ral an doh tikah i zam taak phung si lo. Mah belte an dih lak thi ding an si cun an bawite nawlpek nak in hmunkhat te ah an zam tawn hna.

Atu lio Laimi cheukhat cu mah vial luat i timh i hawi dang thih zei a rel lomi kan tampi. Hawi dang nih ral an doh lio i na zam si cun na hawi nu hawipa le na miphun thih na zei poi lo ti nak si ko. Ralkap he nan i dang lo.

A zammi pawl Pathian nan tih lo maw? Zeitin nan miphun hawi hmai nan khah? Sii that lawng i bochan tlak ngai i siifah lio i mi a zam taak mi cu “ei chuak tuan zam” nan si. Hawi nih heh tiah fapuak bu he rawl lo ti loin ral an doh lio ah zamnak lawng te cu na ruah.

Na ti khawhmi a um lo tal ah na ngeihmi hmang in na hawile bawm ve hna. Na tuah khawhmi le na ngeihmi zeihmanh um lo hmanh ah na mipum tal lang seh. Kanmah le thil ti khawhnak chuah in khat le khat i dirkamh a herh lio caan si. By Tluang Ceu Thang

error: Content is protected !!