CNF nih kan Chin miphun caah a ttha bik mi a tuah cuahmah ko

Kawl ralkap, ralhrang pawl nih uknak an lak hnu in a tu ni tiang ralhrang uknak duh lonak cu mipi nih an langhter peng rih. Mi poi leiin a nunnak a liam an tam cang pinah hliamhma a tuar mi le thongthlak mi zong an tam tak tak cang. Cun ralhrang leiin a thi mi zong an tam tak ak ve cang. A bik in Tlangcung hriamtlai a si mi KNU le KIA nih ralhrang pawl cu nichir ti awk in an thah ve hna.

Kan ram a buai lio ah kan mah Chin mi chungin Chin ralkap a si mi CNF/A zong mitam pi nih an mawchiat hna i zeihmanh an tuah ngam loh an ral a chia, kan bawmh ti hna lai loh ti tiang in a ti an tam pi cang. CNF/A hi ralkap an si ve caah mipi sinah a kong lam le an thil tuah mi pawl zong theih awk a tha lomi te te a um ve. Cu caah CNF/A hi mawchiat tuk le soisel tuk hi a tha lo ngai mi a si. Mipi nih thei loin a tu hi thil tam pi zong an tuah kho mi a si.

Kan Chin ralkap CNF hruaitu a si mi pu Daniel Sakhong zong thlawm pal cu theih ternak a rak tuah cang. Cu caah CNF/A nih mipi caah thil an tuah mi a um ko, a lang rih lo le a si tiah a ti. Lung sau deuh in hngah hna uh sih law thazang zong pe chin ko hna uh sih. CNF nih kan Chin miphun caah a ttha bik mi a tuah cuahmah ko. A lang rih lo ca tu ah a si. A dik lo mi Fake News pawl ah kan lung i tuai ter hlah uh sih!

error: Content is protected !!